ខ្សែប្រយុទ្ធរបស់ក្លឹបបិសាចក្រហម Manchester United កីឡាករ Marcus Rashford បានសារភាពថា៖ ទោះបីរូបគេជាអ្នកគាំទ្ររបស់ខ្សែប្រយុទ្ធ Cristiano Ronaldo ក៏ដោយ ក៏រូបគេគិតថា Messi នៅតែជាកីឡាករល្អនិងអស្ចារ្យបំផុតក្នុងលោក។

ភាពចម្រុងចម្រាសក្នុងការលើកយកខ្សែប្រយុទ្ធ Ronaldo និង Messi មកនិយាយថាមួយណាជាកីឡាករល្អបំផុតនៅក្នុងពិភពលោកនេះ បានកើតឡើងអស់រយៈពេលជិតមួយទសវត្សទៅហើយ ក្រោយពេលខ្សែប្រយុទ្ធ Ronaldo ផ្លាស់ពីក្លឹបបិសាចក្រហម Manchester United មកកាន់ក្លឹបអធិរាជសរ Real Madrid ហើយការប្រៀបធៀបកីឡាករទាំងពីរនេះនៅតែមានរហូតដល់សព្វថ្ងៃនេះ។

នៅក្នុងបទសំភាសន៍មួយជាមួយនឹងអ្នកសារពត៌មាន CNN ខ្សែប្រយុទ្ធ Marcus Rashford បានផ្ដល់យោបល់មួយថា៖ Messi គាត់គឺជាមនុស្សដ៏អស្ចារ្យម្នាក់ រឿងមួយចំនួនដែលមនុស្សគ្រប់គ្នាធ្វើមិនបាន ប៉ុន្ដែ Messi អាចធ្វើបាន។ សារភាពថាខ្ញុំជាអ្នកគាំទ្រនិងចូលចិត្តមើលការលេងរបស់ Ronaldo មែន ប៉ុន្ដែខ្ញុំគិតថា Messi គឺជាកីឡាករដ៏អស្ចារ្យបំផុតដែលមិនធ្លាប់មានពីមុនមក។ 

បុត្រ

ប្រភព៖ Goal