ថ្នាលយុវជនរបស់ក្រុម Youngchester FT ដែលជាក្រុមទើបនឹងឡើងជើងខ្លាំងនៅក្នុងឆ្នាំនេះនឹងធ្វើដំណើរទៅលេងម្ចាស់ផ្ទះ Phnom Penh Crown U17 នៅក្នុងថ្ងៃអាទិត្យស្អែកនេះក្នុងជំនួបមិត្តភាពយុវជនក្រោមអាយុ 18 ឆ្នាំ។

នាព្រឹកថ្ងៃអាទិត្យ ទី10 ស្អែកនេះវេលាម៉ោង 8:00 នាទីព្រឹកនៅក្នុងកីឡាដ្ឋាន RSN របស់ក្លឹប Phnom Penh Crown នឹងមានការប្រកួតមិត្តភាពកម្ដៅសាច់ដុំរវាងម្ចាស់ផ្ទះថ្នាលយុវជន Phnom Penh Crown U17 ប៉ះជាមួយនឹងក្រុមថ្នាលយុវជន Youngchester FT។

តាមសម្ដីរបស់លោក ផៃ បរិញ្ញា ដែលជាស្ថាបនិកនិងជាគ្រូបង្វឹកផ្ទាល់របស់ក្រុម Youngchester FT បានអោយដឹងថា៖ ក្នុងរយៈចុងក្រោយនេះ លោកសង្កេតឃើញថាកូនក្រុមរបស់លោកបង្ហាញទំរង់លេងល្អមែនទែន ហើយនៅក្នុងការប្រកួតមិត្តភាពប៉ុន្មានប្រកួតចុងក្រោយនេះគឺមិនដែលស្គាល់ពាក្យថាចាញ់ឡើយ ជាពិសេសក្រុម Youngchester FT របស់លោកយកឈ្នះក្រុម Daniel FC ដែលជាក្រុមខ្លាំងនៅក្នុងរាជធានីភំ្នពេញទៀតផងនៅក្នុងជំនួបមិត្តភាព។

លោក ផៃ បរិញ្ញា បានបង្ហើបថា៖ ក្រុមរបស់លោកនឹងមានគំរោងចេញទៅប្រកួតមិត្តភាពនៅឯប្រទេសថៃ តាមការអញ្ចើញរបស់ថ្នាលយុវជនរបស់សាលាមួយនៅក្នុងទីក្រុង Bangkok។

លោក បរិញ្ញា បានបន្ដទៀតថា៖ ក្រុមថ្នាលយុវជនជម្រើសខេត្ត Huahin របស់ប្រទេសថៃក៏សុំសាកសមត្ថភាពជាមួយនឹងក្រុមរបស់លោកផងដែរ។ ប៉ុន្ដែអ្វីដែលលោកគិតនៅពេលនេះគឺធ្វើយ៉ាងណាបង្វឹកក្រុមរបស់លោកយកឈ្នះម្ចាស់ផ្ទះ Phnom Penh Crown U17 អោយបាននៅថ្ងៃស្អែក។ 

បុត្រ