អាជ្ញាកណ្តាលនឹងប្រើម្រាមដៃពីរធ្វើជាសញ្ញាចតុកោណនៅលើអាកាសឬចុចដៃរបស់គាត់ទៅត្រចៀករបស់គាត់ ចំណែកនៅឯបន្ទប់គ្រប់គ្រងក្នុងការប្រកួតវិញមានក្រុមការងារចំនួន០៤នាក់ភ្ជាប់ជាមួយកាមេរ៉ាចំនួន៣៣ជ្រុង រួមទាំងកាមេរ៉ា super slow motion ចំនួន០៨គ្រាប់ និងកាមេរ៉ា Ultra slow motion ចំនួន០៤គ្រាប់នៅក្នុងទីលានប្រកួត ដើម្បីតាមដានរាល់សកម្មភាពនៅក្នុងការប្រកួត។ ប្រព័ន្ធ VAR (វីដេអូជំនួយអាជ្ញាកណ្តាល) នឹងត្រូវបានប្រើប្រាស់ជាលើកដំបូងនៅក្នុងការប្រកួតបាល់ទាត់ពិភពលោកនៅប្រទេសរុស្ស៊ីខាងមុខនេះផងដែរ។ ប្រសិនបើអ្នកបានដឹងអ្វីពី VAR ដែលត្រូវបានគេប្រើប្រាស់ជាលើកដំបូងនៅក្នុងប្រទេសអូស្រ្តាលីកាលពីខែមេសាឆ្នាំ 2017 វាមិនទំនងជារឿងថ្មីនោះទេ។

តើ VAR គឺជាអ្វី?

VAR (Video Assistant Refereeing) គឺជាប្រព័ន្ធជំនួយដល់អាជ្ញាកណ្តាលក្នុងការសម្រេចចិត្តត្រឹមត្រូវច្រើនជាងមុន និងចំណុចសំខាន់ៗបំផុតនៅក្នុងការប្រកួត។ VAR គឺជំនួយដល់ការពិនិត្យមើលឲច្បាស់ និងការសម្រេចចិត្តលើឧប្បត្តិហេតុបួនប្រភេទ:
១. គ្រាប់បាល់ និងពិន័យបាល់ Offside
២. ពិន័យបាល់ Penalty ដែលត្រូវបានផ្តល់ ឬមិនផ្តល់
៣. ការពិន័យកាតក្រហម
៤. ករណីផ្តល់កាតក្រហមឬលឿង

អាជ្ញាកណ្តាលអាចទទួលយកព័ត៌មានភ្លាមៗ ដែលបានបញ្ជូនតាមរយៈឧបករណ៍ស្តាប់ត្រចៀករបស់គាត់ ដោយក្រុមការងារត្រួតពិនិត្យ VAR ដើម្បីដឹងកាន់តែច្បាស់ថា តើគ្រាប់បាល់នោះត្រូវពិន័យ ឬក៏ offside? ហើយក្រុមការងារត្រួតពិនិត្យ VAR នឹងធ្វើការរាយការណ៍រាល់សកម្មភាពទាំងឡាយណា ដែលខ្លួនបានមកឃើញ ដើម្បីផ្តល់ភាពងាយស្រួល និងឆាប់ជំនួយដល់ការសម្រេចចិត្តរបស់អាជ្ញាកណ្តាល៕

អត្ថបទ៖ ប៊ុនហួរ
ប្រភព៖ BBC