លោក Marco Silva ដែលជាគ្រូបង្វឹកថ្មីរបស់ក្លឹបស្ករគ្រាប់ Everton បានសម្រេចចិត្តថានឹងមិនបន្ដអោយខ្សែប្រយុទ្ធ Wayne Rooney ស្នាក់នៅក្លឹប Everton ទៀតទេនៅក្នុងរដូវកាលក្រោយ នេះយោងតាមការបញ្ជាក់របស់សារពត៌មាន Mirror។

ខ្សែប្រយុទ្ធសញ្ជាតិអង់គ្លេស Rooney កំពុងមានការចចារជាមួយនឹងក្លឹបមួយនៅក្នុងលីគកំពូល MSL របស់សហរដ្ឋអាមេរិក ហើយរំពឹងទុកថាអាចនឹងឈានដល់កិច្ចព្រមព្រៀងឆាប់ៗនេះ ប៉ុន្ដែខ្សែប្រយុទ្ធសញ្ជាតិអង់គ្លេសរូបនេះមិនទាន់ដាច់អាល័យជាមួយនឹងក្លឹបនៅក្នុងលីគកំពូល Premier League តតែសោះ។ Rooney កំពុងរង់ចាំការសម្រេចចិត្តលើកចុងក្រោយរបស់គ្រូបង្វឹកថ្មីលោក Marco Silva ចំពោះអនាគតរបស់គេ។

ប៉ុន្ដែពេលនេះលោក Silva បានសម្រេចចិត្តចង់អោយ Rooney ចាកចេញពីក្លឹប Everton នៅក្នុងពេលរដូវក្ដៅនេះ ហើយលោក Silva ចង់យកខ្សែប្រយុទ្ធ James Maddison របស់ក្លឹប Norwich មកជំនួសដំណែងរបស់ Rooney វិញ។

បុត្រ

ប្រភព៖ Goal