កាលពីថ្ងៃច័ន្ទម្សិលមិញនេះរដ្ឋាភិបាលថៃ បានជំរុញឱ្យមានហាមឃាត់បណ្ដាញទំនាក់ទំនង Telegram ដោយបានអះអាងថា វាបង្កការគំរាមកំហែងដល់សន្តិសុខជាតិ នៅក្រោមក្រឹត្យបន្ទាន់មួយ ដែលប្រទេសថៃទើបតែដាក់ចេញនាពេលថ្មីៗនេះ។ កាលពីថ្ងៃសុក្រកន្លងទៅ ប៉ូលីសថៃបានបង្ក្រាបទំព័រ Facebook របស់ក្រុមចលនា Free Youth (យុវជនសេរី) ហើយក្រោយមកពួកគេ និងក្រុមបាតុករ ក៏បានប្ដូរទៅប្រើបណ្ដាញ Telegram សម្រាប់ការទាក់ទងនិងផ្ដល់ព័ត៌មានគ្នា ដែលជាហេតុអាជ្ញាធរថៃចង់ហាមឃាត់ ឬរឹតត្បឹតលើបណ្ដាញទំនាក់ទំនងសង្គមមួយនេះ។

ក្រសួងសេដ្ឋកិច្ចឌីជីថលនិងសង្គម (DES) បានស្នើឱ្យគណៈកម្មាធិការជាតិផ្សព្វផ្សាយ និងទូរគមនាគមន៍ (NBTC) លុបព័ត៌មាននៅលើកម្មវិធី Telegram ដោយអះអាងថា វាបានរំលោភលើក្រឹត្យបន្ទាន់ដែលបានដាក់កាលពីថ្ងៃព្រហស្បតិ៍ ដើម្បីឆ្លើយតបនឹងការកើនឡើងនៃបាតុកម្មប្រឆាំងរដ្ឋាភិបាល។ ជម្រាបដែរថា ក្រឹត្យហាមប្រាមការប្រមូលផ្តុំមនុស្ស ៥នាក់ ឬច្រើនជាងនេះ និងការផ្សព្វផ្សាយព័ត៌មាន ដែលគំរាមកំហែងដល់សណ្តាប់ធ្នាប់សាធារណៈ។ ចលនា Free Youth ដែលគាំទ្រលទ្ធិប្រជាធិបតេយ្យបានបើកគណនី Telegram បន្ទាប់ពីលោក Suwat Jangyodsuk អគ្គស្នងការនគរបាលជាតិបានស្នើសុំឱ្យ NBTC បិទទំព័រហ្វេសប៊ុករបស់ពួកគេ រួមជាមួយប្រព័ន្ធផ្សព្វផ្សាយចំនួន ៤ ផងដែរ៕

The government has ordered to censor @prachatai, @thereportersth, @thestandardth, and @FreeYOUTHth. #saveสื่อเสรี tops Thailand’s Twitter.

Honored to report accurate info about human rights and political development in Thailand, we’ll try our best in continuing to do so. pic.twitter.com/d6uc8PinzF

— Prachatai English (@prachatai_en) October 19, 2020

អត្ថបទ៖ លីដា
ប្រភព៖ The Nation Thailand