World Cup លើកមុនប្រើសត្វអូដ្ឋទស្សនទាយលទ្ធផល ដល់ World Cup 2018 នេះប្រើសត្វឆ្មាទាយលទ្ធផលវិញម្តង (មានវីដេអូ)

កាលពីពេលថ្មីៗនេះ កំពូលសត្វឆ្មាមួយក្បាល ដែលមានឈ្មោះ Achilles រស់នៅក្នុងទីក្រុង St Petersburg ប្រទេសរុស្សី ជាសត្វឆ្មា ដែលត្រូវបានគេចាត់ទុកថា អាចទស្សនទាយលទ្ធផលដឹងមុនរវាងការប្រកួតបាល់ទាត់ក្រុមជម្រើសជាតិ រុស្សី ប៉ះគ្នាជាមួយនឹងក្រុមជម្រើសជាតិ អារ៉ាប៊ីសាអូឌីត ដែលនឹងត្រូវប្រកួតនៅក្នុងថ្ងៃបើកឆាកការប្រកួតពានរង្វាន់ Fifa World Cup នៅក្នុងប្រទេសរុស្សី។

នៅក្នុងការទស្សនទាយនោះគេបានដាក់ចំណីអាហារជាពីរចំណែកដោយមានទង់ជាតិរបស់ប្រទេសទាំង២ជាសម្គាល់ហើយមានកូនបាល់ World Cup មួយនៅចំកណ្ដាល។ សត្វឆ្មា Achilles នោះបានស្ទះទៅស៊ីចំណី ដែលមានដាក់ទង់ជាតិរបស់ប្រទេសរុស្សី ហើយនេះអាចទស្សនទាយថាក្រុមជម្រើសជាតិ រុស្សី នឹងឈ្នះនៅក្នុងការប្រកួតពានរង្វាន់បាល់ទាត់ពិភពលោក Fifa World Cup ថ្ងៃបើកឆាកយប់នេះ។

ជារៀងរាល់ព្រឹតិ្តការណ៍បាល់ទាត់ធំៗនៅក្នុងពិភពលោកគេតែងតែឃើញមានការយកកំពូលសត្វឆ្លាតឲ្យមកទស្សនទាយលទ្ធផលទុកមុន ហើយលទ្ធផលភាគច្រើនគឺត្រូវ ប៉ុន្ដែការទស្សនទាយរបស់សត្វទាំងនោះគឺមិនអាចចាត់ទុកជាលទ្ធផលត្រឹមត្រូវឡើយ។ សត្វដែលជាធ្លាប់យកមកទស្សនទាយក្នុងព្រឹតិ្តការណ៍បាល់ទាត់ធំៗមានដូចជា៖ មឹក, អូដ្ឋ, គោ, និងសត្វឆ្មាជាដើម។

https://www.facebook.com/arirangtvnews/videos/1746374162111499/

បុត្រ

ប្រភព៖ Reuter