ក្រុមហ៊ុន Moderna របស់អាមេរិកនិយាយថា វ៉ាក់សាំងបង្ការជំងឺកូវីដ១៩ របស់ខ្លួនមានប្រសិទ្ធភាព ៩៥%

ក្រុមហ៊ុន Moderna បាននិយាយកាលពីថ្ងៃច័ន្ទថា វ៉ាក់សាំងពិសោធន៍របស់ខ្លួនមានប្រសិទ្ធិភាព ៩៤.៥ ភាគរយ ក្នុងការបង្ការជំងឺ COVID-19 ដោយផ្អែកលើទិន្នន័យបណ្តោះអាសន្នពីការសាកល្បងដំណាក់កាលចុងក្រោយ។ ដូច្នេញបើរួមគ្នាជាមួយវ៉ាក់សាំងរបស់ក្រុមហ៊ុន Pfizer ដែលមានប្រសិទ្ធភាពជាង ៩០ ភាគរយ ហើយកំពុងតែរង់ចាំការត្រួតពិនិត្យទិន្នន័យសុវត្ថិភាពនិងការត្រួតពិនិត្យបទប្បញ្ញត្តិបន្ថែមទៀត សហរដ្ឋអាមេរិកអាចមានវ៉ាក់សាំងចំនួន ២ ដែលនឹងត្រូវបានអនុញ្ញាតសម្រាប់ការប្រើប្រាស់បន្ទាន់ក្នុងខែធ្នូ ជាមួយនឹងវ៉ាក់សាំងរហូតដល់ ៦០ លានដូស ក្នុងឆ្នាំនេះ។

វ៉ាក់សាំងទាំង ២ ត្រូវបានបង្កើតឡើងដោយប្រើបច្ចេកវិទ្យាថ្មី ដែលគេស្គាល់ថា messenger RNA (mRNA) តំណាងឱ្យឧបករណ៍ដ៏មានឥទ្ធិពលដើម្បីប្រយុទ្ធប្រឆាំងនឹងជំងឺរាតត្បាត COVID-19 ដែលបានឆ្លងមនុស្ស ៥៤ លាននាក់ នៅទូទាំងពិភពលោក និងសម្លាប់មនុស្សសរុប ១.៣ លាននាក់។ មិនដូចវ៉ាក់សាំងរបស់ក្រុមហ៊ុន Pfizer ទេ វ៉ាក់សាំងរបស់ Moderna អាចត្រូវបានរក្សាទុកនៅសីតុណ្ហភាពទូរទឹកកកធម្មតា ផ្តល់ភាពងាយស្រួលក្នុងការចែកចាយ ដែលជាកត្តាដ៏សំខាន់មួយនៅពេលដែលករណី COVID-19 កំពុងកើនឡើងដែលប៉ះពាល់ដល់កំណត់ត្រាថ្មីនៅសហរដ្ឋអាមេរិក និងជំរុញឱ្យបណ្តាប្រទេសអ៊ឺរ៉ុបមួយចំនួនវិលចូលដល់ការបិទទ្វារឡើងវិញ៕

អត្ថបទ៖ លីដា
ប្រភព៖ Channel News Asia