កូវីដ១៩ ដែលផ្ទុះចេញពីខេត្តសាមុតសាខន បានបន្តរាលដាលនៅដល់ខេត្ត-ក្រុងចំនួន ២២ ផ្សេងទៀតហើយនៅប្រទេសថៃ

ថៃ៖ យោងតាមការចុះផ្សាយនៅលើសារព័ត៌មាន បាងកកប៉ុស្តិ៍ បានឲ្យដឹងថា គិតមកទល់នឹងពេលនេះជំងឺកូវីដ ១៩ ដែលបានផ្ទុះចេញពីផ្សារលក់បង្គាបោះដុំនៅក្នុងខេត្តសាមុតសាខននោះបានបន្តរាតត្បាតនៅដល់ខេត្តក្រុងចំនួន ២២ ផ្សេងទៀតហើយនៅប្រទេសថៃ។ តាមរបាយការណ៍របស់អាជ្ញាធរសុខាភិបាលបានបញ្ជាក់ថា ខេត្តក្រុងទាំង ២២ នោះរួមមាន៖

១- ក្រុងបាងកកមាន ១៦ ករណី

២-ខេត្ត Nakhon Pathom មាន ១០ ករណី

៣-ខេត្ត Chachoengsao មាន ៦ ករណី

៤-ខេត្ត​ Samut Prakan មាន ៥ ករណី

៥-ខេត្ត Saraburi មាន ៥ ករណី

៦-ខេត្ត Pathum Thani មាន ៣ ករណី

៧-ខេត្ត Kamphaeng Phet មាន ២ ករណី

៨-ខេត្ត Nonthaburi មាន ២ ករណី

៩-ខេត្ត Prachin Buri មាន ២ ករណី

១០-ខេត្ត Ayutthaya មាន ២ ករណី

១១-ខេត្ត Chai Nat មាន ១ ករណី

១២-Krabi មាន ១ ករណី

១៣-ខេត្ត Khon Kaen មាន ១ ករណី

១៤-ខេត្ត Nakhon Ratchasima មាន ១ ករណី

១៥-ខេត្ត Nakhon Si Thammarat មាន ១ ករណី

១៦-ខេត្ត Phetchaburi មាន ១ ករណី

១៧-ខេត្ត Phetchabun មាន ១ ករណី

១៨-ខេត្ត Phuket មាន ១ ករណី

១៩-ខេត្ត Prachuap Khiri Khan មាន ១ ករណី

២០-ខេត្ត Suphan Buri មាន ១ ករណី

២១-ខេត្ត Surat Thani មាន ១ ករណី

២២-ខេត្ត Uttaradit មាន ១​ ករណី

សូមបញ្ជាក់ថា ក្នុងចំណោមខេត្ត-ក្រុងទាំង ២២ ខាងលើនេះមានខេត្តមួយចំនួនមានទីតាំងឆ្ងាយៗពីខេត្តសាមុតសាខនណាស់ តែឥឡូវនេះជំងឺកូវីដ ១៩ បានទៅដល់ទីនោះហើយ ខណៈអាជ្ញាធរសុខាភិបាលថៃបារម្ភថា ការផ្ទុះជំងឺរាតត្បាតជំងឺកូវីដ ១៩ ក្នុងសហគមន៍លើកនេះអាចរាតត្បាតពេញប្រទេសទៀតផង ប្រសិនបើគេមិនអាចទប់ស្កាត់វាទាន់ពេលវេលានោះទេ។ សូមបញ្ជាក់ជូនផងដែរថា កាលពីថ្ងៃពុធទី ២៣ ធ្នូ ម្សិលមិញនេះប្រទេសថៃបានរកឃើញករណីអ្នកឆ្លងជំងឺកូវីដ ១៩ ចំនួន ៤៦ ករណីបន្ថែមទៀតដែលធ្វើឲ្យតួលេខអ្នកឆ្លងជំងឺសរុបនៅទូទាំងប្រទេសកើនដល់ ៥ ៧៦២ ករណី៕

អត្ថបទ៖ ភក្តី

ប្រភព៖ បាងកកប៉ុស្តិ៍