ឆ្អែតចិត្តនឹងប្តីលួចមានស្រីច្រើនពេក ប្រពន្ធកាប់ចិញ្ច្រាំប្រដាប់ភេទរបស់លោកប្តីកំហូចឡើងដាច់ខ្ទេចខ្ទី

ថៃ៖ ស្ត្រីជាប្រពន្ធម្នាក់បានសម្រេចកាប់ចិញ្ច្រាំប្រដាប់ភេទរបស់លោកប្តីកំហូចឡើងដាច់ខ្ទេចខ្ទី បន្ទាប់ពីគាត់ដឹងថា ប្តីរបស់គាត់បានលួចមានស្រីផ្សេងនៅខាងក្រៅផ្ទះ។ ហេតុការណ៍គ្រោះថ្នាក់ដែលបង្កឡើងដោយភ្លើងប្រច័ណ្ឌនេះបានកើងឡើងនៅក្នុង ខេត្ត Chonburi ភាគខាងលិចប្រទេសថៃ។ ប្រពន្ធដែលជាអ្នកបង្កហេតុមានឈ្មោះថា Karuna អាយុ២៤ឆ្នាំ ជាជនជាតិខ្មែរ ហើយប្តីរបស់គាត់និងជាជនរងគ្រោះមានឈ្មោះថា Siripan Sanusun អាយុ ៤០ ឆ្នាំ ជាជនជាតិថៃ។

តាមសំដីរបស់អ្នកជិតខាងបានប្រាប់ក្រុមអ្នកសារព័ត៌មានថា កន្លងមកប្តីប្រពន្ធទាំងពីរនាក់នេះមិនដែលផ្ទុះហឹង្សាធ្ងន់ធ្ងរខ្លាំងដាក់គ្នានោះទេ គ្រាន់តែធ្លាប់មានជំលោះពាក្យសំដីតិចតួច ដ្បិតបុរសជាប្តីចូលចិត្តទទួលទានគ្រឿងស្រវឹង និងសប្បាយជាមួយនឹងមិត្តភក្តិនៅខាងក្រៅផ្ទះញឹក ញាប់ពេក។ យ៉ាងណាក្តី ភ្លើងប្រច័ណ្ឌដែលប្រពន្ធសន្សំទុកបានកើនឡើងពីមួយថ្ងៃទៅមួយថ្ងៃ រហូតផ្ទុះជាហឹង្សាធ្ងន់ធ្ងរបែបនេះ តែម្តង។ ក្រោយកើតហេតុបុរសជាប្តីត្រូវបានបញ្ចូនទៅកាន់មន្ទីរពេទ្យបង្អែកដែលនៅក្បែរផ្ទះ ចំណែកឯប្រពន្ធត្រូវប៉ូលិសធ្វើការ ឃាត់ខ្លួនភ្លាមៗផងដែរ៕

អត្ថបទ៖ ភក្តី

ប្រភព​៖ coconuts