ភ្នាក់ងាររបស់ខ្សែបម្រើ Paul Pogba កំពុងធ្វើឲ្យក្លឹបបិសាចក្រហម Manchester United ខកចិត្តបណ្ដើរៗហើយ បន្ទាប់ពីភ្នាក់ងាររូបនេះបានផ្ដល់សំណើរ 1 ទៅកាន់ក្លឹបអ្នកមានបុណ្យ Barcelona ទាក់ទងនឹងរឿងផ្ទេរ Pogba ទៅកាន់ទឹកដីអេស្ប៉ាញ។

ខណៈពេលនេះខ្សែបម្រើ Paul Pogba កំពុងតែមានការសប្បាយរីករាយជាមួយនឹងការប្រកួតពានរង្វាន់បាល់ទាត់ពិភលោក FIFA World Cup ជាមួយនឹងក្រុមជម្រើសជាតិបារាំង បន្ទាប់ពីក្រុមជម្រើសជាតិបារាំងឡើងទៅជួបជាមួយនឹងក្រូអាតនៅក្នុងវគ្គផ្ដាច់ព្រ័ត្រពានរង្វាន់បាល់ទាត់ពិភពលោក FIFA World Cup នៅរុស្សី។

លោក Mino Raiola ដែលជាភ្នាក់ងាររបស់ខ្សែបម្រើ Paul Pogba ចង់ឲ្យ Pogba ចាកចេញពីក្លឹបបិសាចក្រហម Manchester United ទៅកាន់ក្លឹប Barcelona ដើម្បីមានឱកាសលេងជាមួយនឹងកីឡាករនិមិត្តរូបរបស់គេគឺខ្សែប្រយុទ្ធ Lionel Messi។

ក្នុងរយៈពេលចុងក្រោយនេះខ្សែបម្រើ Paul Pogba ទំនងជាមិនសូវសប្បាយចិត្តនៅក្នុងទឹកដី Old Trafford ក្រោមការដឹកនាំរបស់លោក Jose Mourinho ហើយលោក Mino Raiola ចង់ឲ្យខ្សែបម្រើរូបនេះចាកចេញទៅកាន់ក្លឹប Barcelona៕

បុត្រ

ប្រភព៖ Goal