សូមប្រយ័ត្ន! ព្យុះមួយនឹងបោកបក់មកលើប្រទេសកម្ពុជា ដែលបង្កឲ្យមានភ្លៀងធ្លាក់ទូទាំងប្រទេស ថែមទាំងមានខ្យល់បោកបក់ខ្លាំងផងដែរ

យោងតាមការព្យាករណ៍របស់ក្រសួងធនធានទឹក និងឧតុនិយមបានឲ្យដឹងថា ព្យុះឈ្មោះ សុនទីញ បាន និងកំពុងស្ថិតនៅភាគខាងកើតកោះហៃណាំ ហើយព្យុះនេះនឹងមានឥទ្ធិពលមកលើព្រះរាជាចក្រកម្ពុជាយើងមានមេឃអាប់អួ ភ្លៀងធ្លាក់រាយប៉ាយក្នុងក្របខ័ណ្ឌទូទាំងប្រទេស ពិសេសចាប់ពីថ្ងៃទី១៩ ដល់ថ្ងៃទី២១ ខែកក្កដា មានភ្លៀងធ្លាក់ខ្លាំងនៅតំបន់មាត់សមុទ្រ តំបន់ខ្ពង់រាប តំបន់ជួរភ្នំ និងបណ្តាខេត្ត ដែលស្ថិតនៅតាមបណ្តោយព្រំដែនកម្ពុជា-វៀតណាម។ ក្រសួងក៏បានណែនាំឲ្យបងប្អូនប្រជានេសាទ អ្នកធ្វើដំណើរតាមសមុទ្រ និងប្រជាពលរដ្ឋរស់នៅតាមតំបន់ទំនាបជាប់ផ្លូវទឹក ឲ្យបង្កើនការប្រុងប្រយ័ត្នខ្ពស់ផងដែរ៕

អត្ថបទ៖ សេម