ចរាចរណ៍នៅលើផ្លូវជាតិលេខ៤ ក្នុងខេត្តកំពង់ស្ពឺ និងខេត្តព្រះសីហនុ ត្រូវបានផ្អាកមួយរយៈ ដោយសារតែទឹកជំនន់

យោងតាមការបញ្ជាក់ពីលោក វ៊ី សំណាង អភិបាលខេត្តកំពង់ស្ពឺ បានឲ្យដឹងនៅលើបណ្តាញសង្គមហ្វេសប៊ុកនាព្រឹកថ្ងៃទី២០ ខែកក្កដា នេះថា នៅថ្ងៃនេះខេត្តកំពង់ស្ពឺ និងខេត្តព្រះសីហនុ នឹងផ្អាកការធ្វើចរាចរណ៍មួយរយៈ ដោយសារតែជំនន់ទឹកភ្លៀងបានកាត់ផ្តាច់ផ្លូវជាតិលេខ៤ ត្រង់គីឡូម៉ែត្រលេខ៩០ (ខេត្តកំពង់ស្ពឺ) និងគីឡូម៉ែត្រលេខ១១៥ (ខេត្តព្រះសីហនុ)។ អាជ្ញាធរក៏បានអំពាវនាវដល់បងប្អូន ដែលមានបំណងធ្វើដំណើរទៅខេត្តព្រះសីហនុ និងខេត្តកោះកុង គួរធ្វើដំណើរតាមផ្លូវជាតិលេខ ៤១ និង ផ្លូវជាតិលេខ៣វិញ៕

អត្ថបទ៖ សេម