Neymar និង Mbappe សម្រេចចិត្តថានឹងមិនចាកចេញពីក្លឹបអ្នកមានបារាំង PSG ឡើយនៅក្នុងរដូវក្ដៅនេះ

យោងតាមសម្ដីរបស់លោក Luis Fernandez ដែលប្រធានហ្វឹកហាត់កីឡាក្លឹបអ្នកមានបារាំង PSG បាឲ្យដឹងថា៖ ខ្សែប្រយុទ្ធ Neymar និងខ្សែប្រយុទ្ធ Kylian Mbappe ពួកគេទាំងពីរនាក់នេះនឹងមិនចាកចេញពីក្លឹប PSG ឡើយ។

កីឡាករឆ្នើមរបស់ក្លឹប PSG ទាំងពីរនេះត្រូវបានគេរាយការណ៍ថាកំពុងមានទំនាក់ទំនងយ៉ាងខ្លាំងជាមួយនឹងក្លឹបអធិរាជសរ Real Madrid ដើម្បីយកទៅជំនួសខ្សែប្រយុទ្ធ Cristiano Ronaldo ដែលបានចាកចេញទៅកាន់ក្លឹបសេះបង្កង់ Juventus កាលពីពេលថ្មីៗនេះ។

កាលពីពេលថ្មីៗនេះខ្សែប្រយុទ្ធ Kylian Mbappe ត្រូវបានសហព័ន្ធបាល់ទាត់ពិភពលោក FIFA ជ្រើសរើសរូបគេក្លាយជាកីឡាករវ័យក្មេងដែលល្អជាងគេប្រចាំព្រឹតិ្តការណ៍បាល់ទាត់ពិភពលោក FIFA World Cup នៅរុស្សី ជាពិសេស Mbappe បានជួយឲ្យបារាំងឈ្នះពានរង្វាន់បាល់ទាត់ពិភពលោក FIFA World Cup ទៀតផងប៉ុន្ដែ Mbappe បានប្រកាសថារូបគេនឹងបន្ដស្នាក់នៅជាមួយនឹងក្លឹប PSG ស្របពេលដែលខ្សែប្រយុទ្ធ Neymar ក៏ប្រកាសថានឹងបន្ដលេងឲ្យ PSG ដូចគ្នា។

បុត្រ

ប្រភព៖ Goal