យោងតាមការចុះផ្សាយរបស់សារពត៌មាន Dello Sport បានឲ្យដឹងថា៖ គ្រូបង្វឹករបស់ក្លឹប Napoli លោក Carlo Ancelotti កំពុងចាប់អារម្មណ៍ក្នុងការប្រមាញ់យកខ្សែប្រយុទ្ធ Karim Benzema ដែលជាអតីតកូនក្រុមរបស់គាត់មកជួបជុំគ្នានៅអុីតាលីវិញ បន្ទាប់ពីលោក Carlo Ancelotti ត្រូវបាន Napoli តែងតែជាគ្រូបង្វឹកថ្មី។

ខ្សែប្រយុទ្ធ Karim Benzema បានកោតសរសើរការដឹកនាំរបស់លោក Carlo Ancelotti កាលពីគ្រូបង្វឹកសញ្ជាតិអុីតាលីរូបនេះបានចំណាយពេលអស់ 2 រដូវកាលដឹកនាំក្លឹបអធិរាជសរ Real Madrid។ ក្នុងពេលនេះដំណែងរបស់ខ្សែប្រយុទ្ធ Karim Benzema ក្នុងរដូវកាលក្រោយនៅឯក្លឹបអធិរាជសរ Real Madrid កំពុងជួបនឹងបញ្ហាធំ ស្របពេលដែលខ្សែប្រយុទ្ធសញ្ជាតិបារាំងរូបនេះទទួលរងការគំរាមគំហែងផងនោះ ធ្វើឲ្យ Benzema មានបំណងចង់ចាកចេញពី Real Madrid ដើម្បីស្វែងរកទ្រនំថ្មីក្នុងបន្ដអាជីពជាកីឡាករបាល់ទាត់បន្ដ។

នៅឯ Real Madrid ខ្សែប្រយុទ្ធ Karim Benzema ទទួលបានប្រាក់ឈ្នួលពលកម្មប្រចាំឆ្នាំដល់ទៅ 7លានអឺរ៉ូ ហើយរឿងប្រាក់ឈ្នួលពលកម្មប្រចាំឆ្នាំនេះមិនទំនងជាបញ្ហាសម្រាប់ក្លឹប Napoli នោះទេ។ ក្លឹបអធិរាជសរ Real Madrid រំពឹងទុកថានឹងអាចលក់ខ្សែប្រយុទ្ធវ័យ 30 ឆ្នាំរូបនេះនៅក្នុងតម្លៃ 50លានអឺរ៉ូ ប្រសិនបើក្លឹប Napoli ចង់បានរូបគេ។

បុត្រ

ប្រភព៖ Goal