លោក Pep ចេញមកបកស្រាយរឿងដាក់ Sane ជាកីឡាករបម្រុង

លោក Pep Guardiola ដែលជាគ្រូបង្វឹករបស់ក្លឹបមេឃខៀវ Manchester City បានបញ្ជាក់ថាលោកគ្មានបញ្ហាជាមួយនឹងកីឡាករ Leroy Sane ទេបន្ទាប់ពីមានពាក្យជាច្រើនថារូបលោកមានបញ្ហាជាមួយនឹង Sane ហើយដាក់ Sane ឲ្យអង្គុយកៅអីបម្រុង។

ខ្សែបម្រើស្លាប Leroy Sane ត្រូវបានគេជ្រើសរើសជាកីឡាករវ័យក្មេងដែលល្អជាងគេនៅក្នុងលីគកំពូល Premier League 2017/2018 បន្ទាប់ពីខ្សែបម្រើសញ្ជាតិអាឡឺម៉ង់រូបនេះបានជួយឲ្យក្លឹប Manchester City ឈ្នះពានរង្វាន់លីគកំពូល Premier League កាលពីរដូវកាលមុន។ ប៉ុន្ដែនៅក្នុងរដូវកាលថ្មីនេះខ្សែបម្រើ Sane ដែលធ្លាប់តែជាប់ជម្រើសដំបូងរបស់លោក Pep នោះបែរជាមកអង្គុយកៅអីបម្រុងទៅវិញ។ ការដែល Sane ជាប់ជាកីឡាករបម្រុងនេះធ្វើឲ្យអ្នកគាំទ្រជាច្រើនសង្ស័យថារូបគេមានបញ្ហាជាមួយនឹងលោក Pep Guardiola ទើបធ្វើឲ្យរូបគេមិនមានឈ្មោះក្នុងជម្រើសដំបូងរបស់ក្លឹប។

កាលពីពេលថ្មីនេះបន្ទាប់ពីលេចលឺពាក្យជាច្រើនដែលទាក់ទងរវាងលោក Pep Guardiola និង Leroy Sane នោះពេលនេះលោក Pep បានចេញមកបញ្ជាក់ថាលោកគ្មានបញ្ហាជាមួយនឹង Sane ទេកាលដែល Sane ជាប់ជាជម្រើសបម្រុងនេះគឺដោយសារតែក្លឹបមានខ្សែប្រយុទ្ធច្រើនពេក ជាពិសេសលោកមិនសប្បាយចិត្តជាមួយនឹងកីឡាករដែលធ្លាក់ទំរង់លេងទើបលោកសម្រេចចិត្តដាក់ពួកគេនៅបម្រុងបណ្ដោះអាសន្នប៉ុន្ដែពេលនេះ Sane បានវិលត្រលប់មកកាន់ទំរង់ដើមរបស់គេវិញហើយ។

បុត្រ

ប្រភព៖ Goal