កាលពីថ្ងៃច័ន្ទទី ២៧​ ខែសីហា កន្លងទៅនេះក្រុម Daniel FC បានយកឈ្នះ PISNOKA ក្នុងលទ្ធផល ៧ ទល់នឹង​ ៣ ដែលការប្រកួតលើវាសស្មៅតារាងតូចនេះក្រុម Daniel FC មិនមានកីឡាករបម្រុងសម្រាប់ផ្លាស់ប្តូរពេលប្រកួតឡើយ ផ្ទុយទៅវិញក្រុម PISNOKA គឺមានគ្នាដល់ទៅ ៥នាក់សម្រាប់ផ្លាស់ប្តូរ។ ទោះជាកម្លាំងខាងក្រុម PINSOKA លើសលុបយ៉ាងណាក៏ដោយ ប៉ុន្តែបែរជាភ្លាត់ស្នៀតចាញ់ក្រុម Daniel FC ដល់ទៅ ៤គ្រាប់។

បើតាមសម្តីលោក សើ សីហា អ្នកគ្រប់គ្រង ក្រុម Daniel FC បានមានប្រសាសន៍ថា” ការប្រកួតក្នុងពានរង្វាន់ Aquaruis Cup ថ្ងៃនេះជាការប្រកួតដ៏លំបាកមួយដ៏លំបាកសម្រាប់ក្រុមព្រោះ ក្រុមគ្មានកីឡាករសម្រាប់ផ្លាស់ប្តូរនៅពេលកីឡាករថមថយកម្លាំងនោះទេ ដូច្នេះហើយទើបលោកសម្រេចចិត្តប្រើយុទ្ធសាស្រ្ត Counter ដើម្បីរងចាំឱកាសល្អក្នុងការវាយសម្រុករកគ្រាប់បាល់”។

គួរបញ្ជាក់ផងដែរថា ក្រុម Daniel FC ជាក្រុមខ្លាំងមួយក្នុងការប្រកួតបាល់ទាត់ Futsal ក៏ដូចជាការប្រកួតលើតារាងតូច ដែលក្រុមមួយនេះធ្លាប់បានឈ្នះពានដូចជា កាលពីឆ្នាំ​ ២០១២ ជាជើងឯក Sponsor Futsal Cup ឆ្នាំ២០១៤ ជាក្រុមជើងឯក Tiger Street Football និងចុងក្រោយគេគឺ​ ឆ្នាំ២០១៦ ជើងឯក GANZBERG CUP កាលពីរដូវកាលទី១ ដោយពេលនោះ ក្រុម Daniel FC បានយកឈ្នះក្រុម Premuim FC ក្នុងលទ្ធផល ៣ទល់នឹង ១៕