Laurent Koscielny កំពុងពិចារណាចាកចេញពី Arsenal ទៅតាមលោក Arsene Wenger

ភ្នាក់ងាររបស់ខ្សែការពារ Laurent Koscielny បានបង្ហើបថា៖ ប្រធានក្រុមរបស់ក្លឹបកាំភ្លើងធំ Arsenal កំពុងពិចារណាក្នុងការចាកចេញពីក្លឹបកាំភ្លើងធំ Arsenal ទៅតាមលោក Arsene Wenger នៅក្នុងរដូវកាលថ្មីនេះ។

ការពិចារណាក្នុងការចាកចេញពីក្លឹបកាំភ្លើងធំ Arsenal របស់ខ្សែការពារ Laurent Koscielny នេះគឺដោយសារតែខ្សែការពាររូបនេះទទួលរងរបួសរហែកសរសៃកាលពីជំនួបរវាង Arsenal និង Atletico Madrid កាលពីរដូវកាលមុនក្នុងការប្រកួតពានរង្វាន់ Europa League វគ្គពាក់កណ្ដាលផ្ដាច់ព្រ័ត្រ ដែលហេតុការណ៍នេះហើយធ្វើឲ្យក្ដីស្រមៃក្នុងការឈ្នះពានរង្វាន់បាល់ទាត់ពិភពលោក FIFA World Cup របស់រូបគេជាមួយនឹងក្រុមជម្រើសជាតិបារាំងត្រូវរលាយបាត់។

តាមសម្ដីរបស់លោក Stephane Courbis ដែលជាភ្នាក់ងាររបស់ Koscielny បាននិយាយថា៖ ការប្រកួតជាមួយនឹង Atletico Madrid នោះអាចជាប្រកួតចុងក្រោយរបស់ Koscielny ជាមួយនឹង Arsenal ហើយពេលនេះខ្សែការពារសញ្ជាតិបារាំងរូបនេះកំពុងពិចារណាចាកចេញពី Arsenal ទៅតាមលោក Arsene Wenger៕ 

បុត្រ

ប្រភព៖ Goal