កីឡាករ Hector Bellerin ដែលជាខ្សែការពាររបស់ក្លឹបកាំភ្លើងធំ Arsenal យល់ឃើញថា Arsenal មានការផ្លាស់ប្ដូរច្រើនបន្ទាប់ពីការមកដល់របស់លោក Unai Emery ដែលជាគ្រូបង្វឹកថ្មីរបស់ក្លឹបកាំភ្លើងធំ Arsenal។

លោក Unai Emery បានមកដល់ក្លឹបកាំភ្លើងធំ​ Arsenal នៅក្នុងរដូវកាលថ្មីនេះបន្ទាប់ពីលោក Arsene Wenger បានចាកចេញពីក្លឹបកាំភ្លើងធំ Arsenal នៅក្នុងពេលបញ្ចប់រដូវកាលថ្មី។ ទោះបីជាការចាប់ផ្ដើមថ្មីរបស់លោក Unai Emery ពុំសូវល្អក៏ដោយ ប៉ុន្ដែខ្សែការពារ Bellerin យល់ឃើញថា Arsenal មានការផ្លាស់ប្ដូរច្រើនក្នុងពេលដែលលោក Emery កាន់ដំណែងជាគ្រូបង្វឹក។

ខ្សែការពារ Bellerin បាននិយាយថា៖ ខ្ញុំមានអារម្មណ៍ថា Arsenal ដូចជាក្លឹបថ្មីអញ្ចឹង ពួកយើងមានបុគ្គលិកច្រើន ហើយវាពិតជាអាម៉ាស់ណាស់ដែលកីឡាករមួយចំនួនតូចចាកចេញពីក្លឹប។ ទោះបីយើងមានការចាប់ផ្ដើមពុំសូវល្អក៏ដោយ ប៉ុន្ដែនៅពេលដែលលោក Emery ដឹកនាំពួកយើងមានអារម្មណ៍ពួកយើងគឺធ្វើឡើងទាំងអស់គ្នា ហើយយុទ្ធសាស្រ្ដក្នុងការដឹកនាំរបស់ Emery និង Wenger គឺខុសគ្នាទាំងស្រុងតែម្ដង ដោយលោក Emery ផ្ដោតអារម្មណ៍ក្នុងការរៀបចំផែនការសម្រាប់លេងជាមួយនឹងគូរប្រកួតនៅក្នុងប្រកួតបន្ទាប់ ខណៈដែលលោក Wenger ផ្ដោតតែរឿងយកឈ្នះ។

បុត្រ

ប្រភព៖ 90min