ក្រុម G.L.F FC គឺជាក្រុមដំបូងដែលកក់កៅអីវគ្គផ្ដាច់ព្រ័ត្រ បន្ទាប់ពីទម្លាក់ក្រុមការពារដំណែងជើងឯក 3G FC ដោយបាល់ Penalty កាត់សេចក្ដី

ក្រុមការពារដំណែងជើងឯក 3G FC ពានរង្វាន់ Ganzberg Cup ត្រូវបានអស់ភារៈកិច្ចបន្ដដំណើរទៅកាន់វគ្គផ្ដាច់ព្រ័ត្រត្រឹមវគ្គពាក់កណ្ដាលផ្ដាច់ព្រ័ត្រ បន្ទាប់ពីក្រុម G.L.F FC ទម្លាក់ក្រុមខ្លាំងប្រចាំពានរង្វាន់ Ganzberg Cup រដូវកាលទី 3 នេះដោយបាល់ Penalty កាត់សេចក្ដី 0-0 (2-3)។

ក្រឡែកមកការប្រកួតរបស់គូរដំបូងវគ្គពាក់កណ្ដាលផ្ដាច់ព្រ័ត្រសប្ដាហ៍នេះគឺជាការប្រកួតដ៏អស្ចារ្យនិងជាគូរដ៏ស្វិតស្វាញបំផុត ទោះបីជាក្រុមទាំងអស់បានព្យាយាមសម្រុកយ៉ាងណាក៏ដោយ ក៏ពុំមានឱកាសសុតបញ្ចូលទីបានដែរ។ សាច់បាល់របស់ក្រុមទាំងពីរគឺពិតជាល្អមើលខ្លាំង ទាំងបច្ចេកទេស ចង្វាក់លេង និងតាក់តិចក្នុងការលេងជាក្រុម គឺក្រុមទាំងពីរធ្វើបានល្អខ្លាំង។ ទោះបីជារបស់ក្រុមទាំងពីរគ្មានគ្រាប់បាល់សុតបញ្ចូលទីក៏ដោយ ប៉ុន្ដែការប្រកួតគូរបើកឆាកវគ្គពាក់កណ្ដាលផ្ដាច់ព្រ័ត្រនេះគឺជាការប្រកួតមួយដល់តានតឹងបំផុត ព្រោះនៅក្នុងវគ្គនេះក្រុមទាំងអស់សុទ្ធតែខិតខំប្រឹងប្រែងរៀងៗខ្លួន ប្រសិនបើធ្លាក់នឹងអស់ឱកាសឡើងទៅវគ្គផ្ដាច់ព្រ័ត្រពានរង្វាន់ Ganzberg Cup រដូវកាលទី 3 នេះហើយ។ ប៉ុន្ដែក្រុមដែលធ្លាក់ចេញពីការប្រកួតពានរង្វាន់ Ganzberg Cup រដូវកាលទី 3 វគ្គពាក់កណ្ដាលផ្ដាច់ព្រ័ត្រនេះនឹងទទួលបានទឹកប្រាក់ 2500ដុល្លារ ពីក្រុមហ៊ុន Ganzberg Beer ខណៈដែលក្រុមដែលឈ្នះនឹងបន្ដដំណើរទៅកាន់វគ្គផ្ដាច់ព្រ័ត្រដណ្ដើមទឹកប្រាក់ 15000ដុល្លារ ពីក្រុមហ៊ុន Ganzberg Beer។

បុត្រ