យោងតាមការចុះផ្សាយរបស់សារព័ត៌មាន Channel News Asia បានឱ្យដឹងថា ចំនួនអ្នកស្លាប់ចាប់តាំងពីរដ្ឋប្រហារ កាលពីថ្ងៃទី០១ ខែកុម្ភៈ ឆ្នាំ២០២១ នៅក្នុងប្រទេសមីយ៉ាន់ម៉ា បានកើនឡើងលើសពី ១,០០០ នាក់ នៅត្រឹមថ្ងៃពុធនេះផ្ទាល់ នេះបើយោងតាមមន្រ្តីរបស់សមាគមសកម្មជនជួយអ្នកទោសនយោបាយ (AAPP) ដែលតែងតែបានកត់ត្រាការសម្លាប់របស់កងកម្លាំងសន្តិសុខមកលើពលរដ្ឋ។

យ៉ាងណាក៏ដោយអ្នកនាំពាក្យរបស់យោធាមីយ៉ាន់ម៉ា មិនបានឆ្លើយតបនឹងការហៅទូរស័ព្ទដើម្បីសុំការអត្ថាធិប្បាយទេ។ ប៉ុន្តែពួកយោធាធ្លាប់បាននិយាយកាលពីមុនថា តួលេខរបស់ AAPP ដែលត្រូវបានលើកឡើងយ៉ាងទូលំទូលាយដោយអង្គការអន្តរជាតិគឺជាការបំផ្លើស។ កងទ័ពបាននិយាយផងដែរថា សមាជិកជាច្រើននៃកងកម្លាំងសន្តិសុខក៏ត្រូវបានគេសម្លាប់ផងដែរ ខណៈ AAPP មិនដែលរាប់បញ្ចូលការស្លាប់របស់កម្លាំងសន្ដិសុខនៅក្នុងបញ្ជីរបស់ខ្លួនទេ៕

អត្ថបទ៖ លីដា
ប្រភព៖ Channel News Asia