នៅក្នុងការប្រកួតពានរង្វាន់ Europa League កាលពីម្សិលមិញលោក Maurizio Sarri សម្ដែងការមិនពេញចិត្តចំពោះទំរង់លេងរបស់ Morata ក្នុងការសុតបញ្ចូលទី ហើយលោក Sarri បានបន្ថែមថា៖ Morata ខ្វះទំនុកចិត្តក្នុងការបញ្ចប់ទី។

ក្នុងការប្រកួតពានរង្វាន់ Europa League រដូវកាល 2018/2019 រវាងក្លឹប PAOK Thessaloniki FC និងក្លឹបតោខៀវ Chelsea បានបញ្ចប់ទៅដោយលទ្ធផល Chelsea យកឈ្នះម្ចាស់ផ្ទះដោយលទ្ធផល 0-1 ប៉ុន្ដែទោះបីជា Chelsea យកឈ្នះ PAOK Thessaloniki FC ក៏លោក Maurizio Sarri ក៏មិនទាន់ពេញចិត្តចំពោះលទ្ធផលនេះដែរ ហើយលោក Sarri មិនពេញចិត្តចំពោះទំរង់លេងរបស់ Morata ក្នុងប្រកួត ខណៈដែល Morata បង្ហាញខ្លួនក្នុងការប្រកួតនេះបាន 80នាទី សុតបាន 7 ជើងជើង ប៉ុន្ដែ 7 ជើងនោះមិនចំគោលដៅទាំងអស់។

នៅក្នុងបទសំភាសន៍ជាមួយនឹងអ្នកសារពត៌មានលោក Maurizio Sarri បានថ្លែងប្រាប់អ្នកសារពត៌មានបន្ទាប់ពីការប្រកួតបញ្ចប់ថា៖ ប្រសិនបើ Morata មានទំនុកចិត្តនោះគេអាចសុតបញ្ចូលទីបានដល់ទៅ 2 ឫ 3 គ្រាប់ឯណោះ។ ខ្ញុំមិនអាចផ្ដល់ទំនុកចិត្តដល់គាត់បានទេ។ ក្នុងការប្រកួតនេះគាត់មានឱកាសដល់ទៅ 3 4 ដងឯណោះ ប៉ុន្ដែគាត់គ្មានសំណាង ខ្ញុំសង្ឃឹមថានៅថ្ងៃមុខគាត់នឹងធ្វើបានល្អជាងនេះហើយខ្ញុំនឹងព្យាយាមជួយគាត់ ប៉ុន្ដែគាត់ខ្លួនឯងត្រូវការទំនុកចិត្តក្នុងការបញ្ចប់ទី។ 

បុត្រ

ប្រភព៖ Goal