ពលរដ្ឋចំនួន ៦នាក់ បានរងរបួស នៅក្នុងការវាយប្រហារដោយកាំបិតមួយ នៅឯប្រទេសនូវែលសេឡង់

បុរសម្នាក់បានធ្វើឱ្យពលរដ្ឋចំនួន ៦នាក់ ត្រូវរងរបួស នៅក្នុងការវាយប្រហារដោយកាំបិតនៅផ្សារទំនើបមួយ ក្នុងប្រទេសនូវែលសេឡង់ នៅក្នុងអ្វីដែលនាយករដ្ឋមន្រ្តីលោកស្រី Jacinda Ardern ហៅថាជាការវាយប្រហារភេរវកម្ម។ ការវាយប្រហារនេះបានកើតឡើងនៅរសៀលថ្ងៃសុក្រ នៅក្នុងទីក្រុង Auckland ដែលជាទីក្រុងធំបំផុតរបស់ប្រទេស ហើយអាជ្ញាធរសន្តិសុខនិយាយថា បុរសនោះត្រូវបានប៉ូលីសបាញ់សម្លាប់ភ្លាមៗ បន្ទាប់ពីការធ្វើសកម្មភាពចាក់សម្លាប់របស់គាត់ ហើយមានជនរងគ្រោះចំនួន ៣នាក់ កំពុងរងរបួសធ្ងន់ធ្ងរ។

លោកស្រី Ardern បានប្រាប់អ្នកយកព័ត៌មានថា អ្នកវាយប្រហារគឺជាជនជាតិស្រីលង្កា ដែលត្រូវបានបំផុសគំនិតដោយក្រុមសកម្មប្រយុទ្ធរដ្ឋអ៊ីស្លាម។ លោកស្រីបាននិយាយថា បុរសនោះបានធ្វើអន្តោប្រវេសន៍ទៅប្រទេសនូវែលសេឡង់ កាលពី១០ឆ្នាំមុន ហើយបានស្ថិតនៅក្រោមការឃ្លាំមើលអស់រយៈពេល ៥ឆ្នាំ ចុងក្រោយនេះ ដោយសារតែភាពជ្រុលនិយមរបស់គាត់។ លោកស្រី​ Ardern បាននិយាយថា៖«អ្វីដែលបានកើតឡើងនៅថ្ងៃនេះ គឺគួរឱ្យស្អប់ខ្ពើម វាមិនត្រឹមត្រូវនោះទេ»។ រំលឹកផងដែរថា កាលពីខែមីនា ឆ្នាំ២០១៩ ខ្មាន់កាំភ្លើងនិយមនិយមជនជាតិស្បែកសម្នាក់ បានសម្លាប់មនុស្ស ៥១នាក់ នៅឯវិហារអ៊ីស្លាមចំនួន ២ នៅទីក្រុង Christchurch ភាគខាងត្បូងប្រទេសនូវែលសេឡង់៕

អត្ថបទ៖ លីដា
ប្រភព៖ NHK