តារាបាល់ទាត់ Cristiano Ronaldo បានច្រានចោលការចោទប្រកាន់ពីសំណាក់ស្ត្រីអាមេរិកម្នាក់ដែលចោទប្រកាន់ថានាងត្រូវបានគេចាប់រំលោភដោយកីឡាករបាល់ទាត់ព័រទុយហ្គាល់រូបនេះកាលពីឆ្នាំ 2009។

នៅក្នុងវីដេអូរបស់ Instagram Ronaldo បាននិយាយថា: “ពួកគេចង់ល្បី [ខ្លួនឯង] ដោយប្រើប្រាស់ឈ្មោះរបស់ខ្ញុំហើយវាជារឿងធម្មតា”។ មេធាវីរបស់ Ronaldo និយាយថាពួកគេនឹងប្តឹងទស្សនាវដ្តី Der Spiegel របស់អាឡឺម៉ង់ដែលបានរាយការណ៍ដើមពីការចោទប្រកាន់នេះ។ ទស្សនាវដ្តីនេះបានសរសេរថា Kathryn Mayorga បានអះអាងថា Ronaldo អាយុ 33 ឆ្នាំបានរំលោភនាងនៅក្នុងសណ្ឋាគារមួយនៅឡាសវេហ្គាស។

ក្នុងឆ្នាំ 2010 នាងត្រូវបានគេរាយការណ៍ថាបានឈានដល់ការដោះស្រាយក្រៅផ្លូវការជាមួយ Ronaldo ពាក់ព័ន្ធនឹងការបង់ប្រាក់ចំនួន 375,000 ផោន (288.000 ផោន) សម្រាប់ការយល់ព្រមមិនលេចធ្លាយរឿងនេះជាសាធារណៈ។ នៅក្នុងសេចក្តីថ្លែងការណ៍មួយមេធាវីរបស់កីឡាករ Ronaldo លោក Christian Schertz បាននិយាយថា “របាយការណ៍នៅក្នុង Spiegel គឺខុសច្បាប់យ៉ាងច្បាស់” ។

ប្រភព៖ BBC
អត្ថបទ៖ ប៊ុនហួរ