ក្លឹបអធិរាជសរ Real Madrid បានសម្រេចចិត្តបណ្ដេញលោក Julen Lopetegui កាលពីព្រឹកមិញនេះ បន្ទាប់ពីគ្រូបង្វឹកសញ្ជាតិអេស្ប៉ាញរូបនេះបានដឹកនាំក្លឹបអធិរាជសរ Real Madrid ធ្លាក់ទំរង់លេងដុនដាប ជាពិសេសប្រកួត El Clasico ធ្វើឲ្យ Real Madrid ចាញ់ក្រោមថ្វីជើងរបស់ Barcelona ដោយលទ្ធផល 5-1 ដែលជាលទ្ធផលដ៏អាក្រក់បំផុតក្នុងរយៈពេលប៉ុន្មានឆ្នាំចុងក្រោយនេះ។

ក្នុងការដឹកនាំ 7 ប្រកួតចុងក្រោយរបស់លោក Julen Lopetegui នេះគឺ Real Madrid ឈ្នះបានតែ 1 ប្រកួតតែប៉ុណ្ណោះ ចំណែកឯ 6 ប្រកួតផ្សេងទៀតគឺ Real Madrid ចាញ់ទាំងអស់។ លោក Julen Lopetegui បានចូលដឹកនាំក្លឹប Real Madrid កាលពីដើមរដូវកាលនេះបន្ទាប់ពីលោក Zidane បានចាកចេញពីក្លឹបអធិរាជសរ Real Madrid កាលពីបញ្ចប់រដូវកាលមុនក្រោយដឹកនាំ Real Madrid ឈ្នះពានរង្វាន់ UCL លើកទី 13 ក្នុងប្រវតិ្តសាស្រ្ដក្លឹប។ ហើយមុនពេលលោក Lopetegui ចូលមកដឹកនាំក្លឹប Real Madrid គ្រូបង្វឹកសញ្ជាតិអេស្ប៉ាញរូបនេះត្រូវបានសហព័ន្ធកីឡាបាល់ទាត់អេស្ប៉ាញបណ្ដេញចេញពីដំណែងគ្រូបង្វឹករបស់ក្រុមជម្រើសជាតិអេស្ប៉ាញដូចគ្នា បន្ទាប់ពីរូបគេបានលួចចុះកុងត្រាជាមួយនឹង Real Madrid ខុសពីគោលនយោបាយរបស់សហព័ន្ធ។

ពេលនេះក្លឹបអធិរាជសរ Real Madrid បានតែងតាំងលោក Santiago Hernan Solari ជាគ្រូបង្វឹករបស់ក្លឹបបណ្ដោះអាសន្ន ខណៈដែលពេលនេះក្លឹបអធិរាជសរ Real Madrid កំពុងស្វែងរកគ្រូបង្វឹកថ្មី ហើយលោក Antonio Conte គឺជាគោលដៅដ៏សំខាន់របស់ Real Madrid ក្នុងការតែងតាំងជាគ្រូបង្វឹកថ្មីរបស់ក្លឹប។

បុត្រ

ប្រភព៖ Goal