សង្រែកខ្លាំងណាស់! នេះហើយគឺជាជនរងគ្រោះក្មេងជាងបំផុត ដែលបានស្លាប់ក្នុងហេតុការណ៍ធ្លាក់យន្តហោះនៅឥណ្ឌូនេស៊ី គ្នាទើបមានអាយុ១៥ខែប៉ុណ្ណោះ

ឥណ្ឌូនេស៊ី៖ ក្នុងចំណោមជនរងគ្រោះទាំង១៨៩នាក់ ដែលបានស្លាប់ក្នុងគ្រោះថ្នាក់ធ្លាក់យន្តហោះនៅឥណ្ឌូនេស៊ី ត្រូវបានគេរកមើលឃើញថា មានទារកម្នាក់ដែលទើបនឹងមានអាយុ​១៥ ខែ ក៏បានស្លាប់បាត់បង់ជីវិតដែរ។ តាមព័ត៌មានរបស់អ្នកដំណើរបានបង្ហាញថា ទារកអាយុ ១៥ ខែនេះ ធ្វើដំណើរជាមួយនឹងឪពុកជនជាតិឥណ្ឌូនេស៊ីម្នាក់ ដែលមានឈ្មោះថា Rizal Gilang Sanusi Putra អាយុ២៦ឆ្នាំ និងម្តាយមានឈ្មោះថា Wita Seriani និងមានអាយុ២៦ឆ្នាំ ដូចគ្នា។

តាមរបាយការណ៍បានបង្ហាញថា ប្តីប្រពន្ធរួមទាំងកូនតូចមួយនេះ​ បានធ្វើដំណើរទៅលេងសាច់ញាតិ តែជាអកុសលមិនទាន់បានទៅដល់ផង ក៏ស្រាប់តែជួបគ្រោះថ្នាក់ធ្លាក់យន្តហោះតែម្តង។ មនុស្សមួយគ្រួសារនេះ ត្រូវបានគេចាត់ទុកថា ជនរងគ្រោះដែលកំសត់បំផុត ព្រោះសមាជិកក្នុងគ្រួសារទាំងអស់ត្រូវបានស្លាប់ រួមជាមួយនឹងទារកតូចមួយដែលមានអាយុទើប ១៥ ឆ្នាំទៀតផង។ ខាងក្រោមនេះជាកម្រងរូបភាពរបស់ជនរងគ្រោះមួយគ្រួសារនេះ៖

អត្ថបទ៖ ភក្តី

ប្រភព៖ dailymail