Chelsea មិនមានគម្រោងទិញ Ramsey ពី Arsenal ក្រោយពេលខ្សែបម្រើជាច្រើននៅ Chelsea កំពុងគរជើងគ្នាមិនទាន់បានលេង

ក្លឹបតោខៀវ Chelsea មិនមានគម្រាងដេញថ្លៃទិញខ្សែបម្រើ Aaron Ramsey ពីក្លឹបកាំភ្លើងធំ Arsenal នៅក្នុងទីផ្សារដោះដូរកីឡាករខាងមករាខាងមុខនេះទេ ក្រោយលោក Sarri លើកឡើងថា Chelsea កំពុងមានខ្សែបម្រើជាច្រើនគរជើងគ្នាមិនទាន់បានលេង។

ពេលនេះក្លឹបតោខៀវ Chelsea កំពុងឃ្លាំងមើលការចចាររវាង Ramsey និង Arsenal បន្ទាប់ពីខ្សែបម្រើសញ្ជាតិវេលស៍រូបនេះត្រូវបានក្លឹបកាំភ្លើងធំ Arsenal សម្រេចចិត្តមិនផ្ដល់កុងត្រាថ្មីឲ្យរូបគេ ខណៈដែលកុងត្រាថ្មីបច្ចុប្បន្នរបស់ Ramsey នឹងបញ្ចប់នៅក្នុងខែមិថុនាឆ្នាំ 2019 ខាងមុខនេះ។ គ្រូបង្វឹករបស់ក្លឹបតោខៀវ Chelsea លោក Maurizio Sarri បានលើកឡើងថាពេលនេះ Chelsea មានខ្សែបម្រើដល់ទៅ 7 នាក់ហើយខ្សែបម្រើ Ross Barkley និង Ruben Loftus-Cheek អាចជាឧបសគ្គក្នុងការប្រជែងដំណែងជាមួយនឹង Ramsey ប្រសិនបើ Ramsey មកដល់ទឹកដី Stamford Bridge។ ដូច្នោះ Chelsea គិតថាការចុះហត្ថលេខាទិញខ្សែបម្រើនៅក្នុងពេលទីផ្សារដោះដូរកីឡាកររដូវរងារខាងមុខនេះគឺជារឿងដែលមិនចាំបាច់សម្រាប់ពួកគេ។

បុត្រ

ប្រភព៖ Goal