អភិបាលក្រុងបាងកកបាននិយាយថា កុមារដែលមានអាយុពី ៣-១៤ ឆ្នាំ ដែលបានឆ្លងជំងឺ COVID-19 ប៉ុន្តែឪពុកម្តាយរបស់ពួកគេ មិនអាចផ្តល់ការថែទាំបានត្រឹមត្រូវនៅក្រោមប្រព័ន្ធដាច់ដោយឡែកពីគេផ្ទះបាន អាចត្រូវបានគេអនុញ្ញាតឱ្យចូលក្នុងមជ្ឈមណ្ឌលដាច់ដោយឡែកសម្រាប់កុមារនៅលើផ្លូវ Nakhon Chai Si ក្នុងសង្កាត់ Kiak Kai ខណ្ឌ Dusit នេះបើតាមការអះអាងរបស់លោកអភិបាល Aswin Kwanmuang កាលពីថ្ងៃអាទិត្យ។

លោកថា៖«ការឆ្លងប្រចាំថ្ងៃនៅទីក្រុងបាងកកកំពុងកើនឡើងជាបន្តបន្ទាប់ ជាពិសេសចំពោះកុមារ និងមនុស្សចាស់។ ទោះយ៉ាងណាក៏ដោយ គ្រួសារខ្លះអាចមានការពិបាកក្នុងការដាក់កុមារឱ្យនៅដាច់ដោយឡែក ឬផ្តល់ការថែទាំ ដោយសារតែការរឹតត្បិតការងារ»។ លោកបានបន្ដថា ដូច្នេះមជ្ឈមណ្ឌល​នឹង​ទទួល​យក​កុមារ​អាយុ​ពី ៣ ទៅ ១៤​ឆ្នាំ ដែល​នឹង​ត្រូវ​ព្យាបាល​ដាច់ដោយឡែក ដោយនឹងមានការពិនិត្យយ៉ាងទៀងទាត់សម្រាប់ពួកគេ។ ដើម្បីបញ្ជូនកុមារដែលឆ្លងមេរោគទៅមណ្ឌល សូមទាក់ទងការិយាល័យសុខភាពសាធារណៈស្រុក លេខទូរស័ព្ទទាន់ហេតុការណ៍ ១៣៣០ ឬ ១៦៦៩ ឬចុះឈ្មោះតាមអ៊ីនធឺណិតតាមរយៈគណនី Line ផ្លូវការរបស់ការិយាល័យ៕

អត្ថបទ៖ លីដា
ប្រភព៖ The Nation Thailand