ចាប់បានសាច់ក្រួចនាំចូលពីប្រទេសវៀតណាមគ្មានច្បាប់អនុញ្ញាតជិត៣តោន

ភ្នំពេញ ៖ នៅវេលាម៉ោងទៀបភ្លឺ ថ្ងៃទី០៦ ខែ​វិច្ឆិកា ឆ្នាំ២០១៨ កម្លាំង​​នាយកដ្ឋាននគរបាលប្រឆាំងបទល្មើសសេដ្ឋកិច្ច សហការជាមួយអគ្គនាយកដ្ឋានកាំកុងត្រូល បានធ្វើការបង្រា្កបករណីនាំចូលសាច់សត្វក្រួច គ្មានច្បាប់អនុញ្ញាតពីប្រទេសវៀតណាម ដឹកតាមរថយន្តកូរ៉េ១គ្រឿង ម៉ាក HYUNDIA ស្លាកលេខ 3E 5868 នៅចំណុចផ្លូវ ជា សុផារ៉ា សង្កាត់ទួលសង្កែ ខណ្ឋឬស្សីកែវ រាជធានីភ្នំពេញ។

ក្រោយការត្រួតពិនិត្យសមត្ថកិច្ចចម្រុះបានឆែកឆេរជាក់ស្តែង រកឃើញសាច់សត្វក្រួច គ្មានច្បាប់អនុញ្ញាតប្រមាណ២,៥តោន។ ចំពោះវត្ថុតាងទាំងអស់ត្រូវបានកម្លាំងសមត្ថកិច្ចបានសម្រេចឲ្យដកហូតរក្សាទុកជាបណ្តោះអាសន្ន និងយកសាច់សត្វក្រួច គ្មានច្បាប់អនុញ្ញាតទៅដុតបំផ្លាញចោល នៅទីលានចាក់សំរាមបឹងជើងឯក និងបាននាំខ្លួនអ្នកបើកបររថយន្តម្នាក់ មកនាយកដ្ឋាន ដើម្បីបន្តនីតិវិធី៕