អ្នក​ចរចា​មក​ពី​រុស្ស៊ី និង​អ៊ុយក្រែន​ បាន​ជួប​គ្នា​ជា​លើក​ទី​២ ​សម្រាប់​ការ​ចរចា​សន្តិភាព​ក្នុង​ប្រទេស​បេឡារុស។ ពួកគេបានលេចចេញនូវកិច្ចព្រមព្រៀងបណ្តោះអាសន្នមួយស្តីពីការការពារជនស៊ីវិល ប៉ុន្តែមិនមានកិច្ចព្រមព្រៀងស្តីពីការបញ្ចប់ការឈ្លានពានរបស់រុស្ស៊ីទេ។ ក្រុមអ្នកចរចាបានយល់ព្រមរៀបចំការផ្តល់ជំនួយមនុស្សធម៌ ដល់អ្នកដែលជាប់នៅក្នុងការប្រយុទ្ធ ហើយខាងរុស្សីបានហៅវាថាជា «វឌ្ឍនភាពដ៏ច្រើន»។ ទោះបីជាយ៉ាងណាក៏ដោយ ភាគីខាងអ៊ុយក្រែនបាននិយាយថា ពួកគេមិនទទួលបានអ្វីដែលពួកគេសង្ឃឹមឡើយ បើទោះបីជាពួកគេមិនបាននិយាយថាជាអ្វីក៏ដោយ។ ភាគីទាំង ២ ក៏គ្រោងនឹងជួបគ្នាម្តងទៀតនៅសប្តាហ៍ក្រោយ ដើម្បីពិភាក្សាអំពីបទឈប់បាញ់។

ទីប្រឹក្សាប្រធានាធិបតីអ៊ុយក្រែនលោក Mykhailo Podolyak បាននិយាយថា ភាគីទាំង ២ បានឈានដល់ការយល់ដឹងអំពីការបង្កើត «ច្រករបៀងមនុស្សធម៌» ដែលជនស៊ីវិល អាចប្រើប្រាស់ដើម្បីជម្លៀសចេញពីទីតាំងមានជម្លោះ។ ប្រធានាធិបតីរុស្ស៊ី លោក វ្ល៉ាឌីមៀ ពូទីន ក៏បានធ្វើការកត់សម្គាល់អំពីវឌ្ឍនភាពនៃការលុកលុយរបស់ខ្លួន។ លោកបាននិយាយថា ប្រតិបត្តិការយោធាពិសេស កំពុងដំណើរការយ៉ាងពិតប្រាកដតាមកាលវិភាគ ហើយគោលបំណងទាំងអស់កំពុងត្រូវបានសម្រេចដោយជោគជ័យ។ លោក​បាន​បន្ថែម​ថា ជនជាតិ​រុស្ស៊ី និង​អ៊ុយក្រែន​គឺ​ជា «មនុស្ស​តែ​មួយ»។ ប៉ុន្តែ​លោក​បាន​ចោទ​ថា កងកម្លាំង​អ៊ុយក្រែន​បាន​ធ្វើ​ទារុណកម្ម និង​សម្លាប់​អ្នក​ទោស​សង្គ្រាម​រុស្ស៊ី។

ចំណែកប្រធានាធិបតីអ៊ុយក្រែនលោក Volodymyr Zelenskyy ក៏បានធ្វើការកត់សម្គាល់ផ្ទាល់ខ្លួនរបស់គាត់ ដើម្បីការឆ្លើយតបទៅកាន់លោកពូទីន។ លោកបាននិយាយថា ប្រជាជនរុស្ស៊ីគួរតែចាកចេញពីអ៊ុយក្រែន ប៉ុន្តែប្រសិនបើពួកគេស្នាក់នៅ នោះលោក និងប្រធានាធិបតីរុស្ស៊ី គួរតែអង្គុយចុះសម្រាប់កិច្ចពិភាក្សាដោយផ្ទាល់។ លោក​បាន​និយាយ​ថា ​ប្រជាជន​អ៊ុយក្រែន ​រួម​ទាំង​កុមារ​តូចៗ កំពុង​ត្រូវ​បាន​គេ​បំផ្លាញ។ លោក​បាន​បដិសេធ​ថា ប្រទេស​របស់​លោក​មិន​បាន​វាយ​ប្រហារ​រុស្ស៊ី​ទេ ហើយ​លោក​បាន​និយាយ​ថា ខ្លួន​គ្មាន​គម្រោង​ធ្វើ​ទេ៕

អត្ថបទ៖ លីដា
ប្រភព៖ NHK