ការទទួលរងរបួសរបស់ខ្សែប្រយុទ្ធ Danny Welbeck ក្នុងកំឡុងការប្រកួតជាមួយនឹងក្លឹប Sport Lisbon ក្នុងការប្រកួតពានរង្វាន់ Europa League កាលពីថ្ងៃព្រហស្បតិ៍កន្លងទៅបានបង្ខំឲ្យ Arsenal ត្រូវបានខ្សែប្រយុទ្ធថ្មីមួយមកជំនួសដំណែង Welbeck ហើយក្លឹបកាំភ្លើងធំ Arsenal អាចនឹងចំណាយដល់ទៅ 45លានផោន សម្រាប់ការទិញខ្សែប្រយុទ្ធ Nicolas Pepe ពីក្លឹប Lille ក្នុងទីផ្សារដោះដូរកីឡាកររដូវរងារខាងមុខនេះ។

លោក Unai Emery ដែលជាគ្រូបង្វឹករបស់ក្លឹបកាំភ្លើងធំ Arsenal មិនមានគម្រោងទិញកីឡាករណាម្នាក់នៅក្នុងខែមករាខាងមុខនេះ ប៉ុន្ដែក្រោយពេលខ្សែប្រយុទ្ធ Welbeck ទទួលរងរបួសធ្វើឲ្យលោក Unai Emery ពិចារណាលើចំណុចនេះឡើងវិញ ក្រោយពេលក្លឹបកាំភ្លើងធំ Arsenal ពេលនេះសល់តែខ្សែប្រយុទ្ធ 2 រូបតែប៉ុណ្ណោះ។

ក្នុងខែមករាខាងមុខនេះក្លឹបកាំភ្លើងធំ Arsenal មិនមានថវិកាច្រើនសម្រាប់ការទិញកីឡាករទេ ខណៈដែលក្លឹប Manchester City, Bayern Munich និង Borussia Dortmund កំពុងមានចំណាប់អារម្មណ៍លើខ្សែប្រយុទ្ធ Nicolas Pepe ដូចគ្នា ដែលជាហេតុធ្វើឲ្យ Arsenal អាចនឹងចំណាយថវិកាច្រើនក្នុងការដណ្ដើមទិញខ្សែប្រយុទ្ធរូបនេះពីក្លឹប Lille។

បុត្រ

ប្រភព៖ Goal