លោក Stan Lee អ្នកសរសេរសៀវភៅត្លុកល្បីៗដូចជា Iron Man, Spider Man បានលាចាកលោកហើយ

លោក Stan Lee អ្នកនិពន្ធរឿងជនជាតិអាមេរិកដ៏ល្បីម្នាក់ និងជាអតីតប្រធានក្រុមហ៊ុនផលិតខ្សែភាពយន្ត Marvel Comics ត្រូវបានគេរាយការណ៍ថា បានស្លាប់បាត់បង់ជីវិតហើយ ខណៈដែលលោកមានអាយុ ៩៥ ឆ្នាំ។ កន្លងមកលោក Stan Lee ធ្លាប់និពន្ធរឿងល្បីៗជាច្រើនដូចជារឿង Spider-Man, The Incredible Hulk ,The Fantastic Four, X-Man, Ant-Man, Iron-Man និងរឿងល្បីៗជាច្រើនទៀត។ លោក Stan Lee កើតនៅក្នុងឆ្នាំ ១៩២២ និងជាជនភៀសខ្លួនជ្វីហ្វមកពីប្រទេសរ៉ូម៉ានី មុនពេលគាត់មករស់នៅក្នុងសហរដ្ឋអាមេរិក។

លោកមានកូនពីរនាក់ និងប្រពន្ធម្នាក់ដែលបានស្លាប់កាលពីឆ្នាំ ២០១៧។ លោកបានផ្តើមធ្វើការងារជាអ្នកនិពន្ធរឿងកំប្លែងចាប់តាំងពីអាយុ ១៨ ឆ្នាំមកម្លះ ហើយរឿងរបស់លោកតែងទទួលបានការគាំទ្រជាខ្លាំងពីសំណាក់អ្នកទស្សនា។ ក្រោយមកពេលគាត់មានអាយុ ៤០ ឆ្នាំ គាត់បានបោះបង់ការនិពន្ធរឿងបែបកំប្លែង និងបានប្តូរទៅនិពន្ធរឿងដែលមានតួអង្គប្លែកខុសពីមនុស្សធម្មតាទៅវិញដូចជារឿង ដែលបានរៀបរាប់ខាងលើនេះជាដើម។ ក្រោយមកទៀតរឿងដែលគាត់បានសរសេរនោះទទួលបានការគាំទ្រជាខ្លាំង និងត្រូវបានគេយកទៅផលិតជាខ្សែភាពយន្តទៀតផង ហើយខ្សែភាពយន្តទាំងនោះរឹតតែមានការគាំទ្ររខ្លាំងទូទាំងពិភពលោក។

លោក Stan Lee ត្រូវបានគេធ្វើការប៉ាន់ប្រមាណថា មានទ្រព្យសម្បត្តិជាច្រើនរយលានដុល្លារពីអាជីពរបស់គាត់។ លោកត្រូវបាន គេចាត់ទុកថាជាមនុស្សដ៏អស្ចារ្យម្នាក់ ហើយការស្លាប់របស់គាត់នេះបានធ្វើឲ្យតារាសម្តែងល្បីៗនៅហូលីវូតមានការស្ដោកស្តាយជាខ្លាំងផងដែរ៕

អត្ថបទ៖ ភក្តី

ប្រភព៖ bbc