Liverpool ត្រៀមលុយជិត 100លានផោន ដើម្បីដេញថ្លៃ Dembele នៅក្នុងខែមករាខាងមុខនេះ

យោងតាមសារពត៌មាន The Sun បានចុះផ្សាយឲ្យដឹងថា៖ ក្លឹបហង្សក្រហម Liverpool ត្រៀមកញ្ចប់ទឹកប្រាក់ 85លានផោន ដើម្បីដេញថ្លៃខ្សែប្រយុទ្ធ Ousmane Dembele ពីក្លឹបអ្នកមានបុណ្យ Barcelona នៅក្នុងខែមករាខាងមុខនេះ ប្រសិនបើការដេញថ្លៃជោគជ័យនោះ Dembele នឹងក្លាយជាកីឡាករថ្លៃបំផុតរបស់ Liverpool។

នៅក្នុងពាក់កណ្ដាលរដូវកាលនេះលោក Jurgen Klopp ចង់បន្ថែមកម្លាំងប្រយុទ្ធបន្ថែមទៀតនៅក្នុងក្រុមរបស់លោក ខណៈដែលគ្រូបង្វឹកសញ្ជាតិអាឡឺម៉ង់រូបនេះគ្រោងនឹងដាក់ផែនការដណ្ដើមពានរង្វាន់ Premier League និង Champion League នៅក្នុងរដូវកាលនេះ។ លោក Jurgen Klopp គ្រោងនឹងត្រៀមលុយដល់ទៅជិត 100លានផោន ដើម្បីដេញថ្លៃខ្សែប្រយុទ្ធ Ousmane Dembele ពីក្លឹបអ្នកមានបុណ្យ Barcelona នៅក្នុងដើមខែមករាខាងមុខនេះ ហើយការដេញថ្លៃនេះ Liverpool អាចនឹងបំបែកកំណត់ត្រាថ្មីប្រសិនបើការដេញថ្លៃទិញខ្សែប្រយុទ្ធសញ្ជាតិបារាំងរូបនេះជោគជ័យ។

ប៉ុន្ដែការពីពេលថ្មីៗនេះក្លឹបអ្នកមានបុណ្យ Barcelona បាននិយាយថា៖ Barcelona នឹងលក់ Dembele ប៉ុន្ដែនៅក្នុងតម្លៃផ្ទេរ 135លានផោន ដូចតម្លៃដែល Barcelona ទិញ Dembele ពី Dortmund កាលពីដើមរដូវកាលមុន។

បុត្រ

ប្រភព៖ Goal