ចិន៖ អាជ្ញាធរចិនបានដាក់ចេញនូវវិធានការតឹងរឹងជាច្រើនដើម្បីឆ្លើយតបនឹងជំងឺកូវីដ-១៩ ដែលកំពុងរាតត្បាតយ៉ាងខ្លាំងទៅក្នុងទីក្រុងសៀងហៃ ដែលជាមជ្ឈមណ្ឌលហិរញ្ញវត្ថុដ៏សំខាន់មួយសម្រាប់សេដ្ឋកិច្ចជាតិចិន។ គួរបញ្ជាក់ជូនថា ក្នុងអំឡុងពេលនេះសៀងហៃដែលជាកន្លែងមានពលរដ្ឋរស់នៅជាង ២៦លាននាក់នោះ កំពុងស្ថិតក្នុងដំណាក់កាលបិទខ្ទប់ ខណៈក្នុងរយៈពេលនៃការបិទខ្ទប់នេះអាជ្ញាធរសុខាភិបាលចិននឹងធ្វើតេស្តរកជំងឺកូវីដ-១៩ ទ្រង់ទ្រាយចំពោះគ្រប់ប្រជាពលរដ្ឋក្នុងក្រុងទាំងអស់តែម្តង។

ចំណាត់ការមួយរបស់អាជ្ញាធរចិនដែលកំពុងទទួលបានការចាប់អារម្មណ៍ខ្លាំងបំផុតនោះ គឺគេបានប្រទះឃើញក្រុមបុគ្គលិកសុខាភិបាលចិនធ្វើតេស្តរកជំងឺកូវីដ-១៩ មកលើសត្វត្រី ដែលគេកំពុងដាក់លក់នៅក្នុងទីផ្សារ។ យ៉ាងណាក្តី លទ្ធផលធ្វើតេស្តចំពោះសត្វត្រីគឺអវិជ្ជមានកូវីដ ហើយក្រុមបុគ្គលិកសុខាភិបាលចិនហាក់មិនបានបង្ហាញពីសញ្ញាគ្រោះថ្នាក់ចំពោះការរាតត្បាតជំងឺកូវីដ-១៩ តាមរយៈសត្វត្រីនៅឡើយទេ។ លោកអ្នកអាចទស្សនាសកម្មភាពធ្វើតេស្តសត្វត្រីនេះតាមរយៈវីដេអូខាងក្រោម៖

អត្ថបទ៖ ភក្តី

ប្រភព៖ Insider