ប្រធានាធិបតីអ៊ុយក្រែនលោក Volodymyr Zelensky បាននិយាយថា រុស្ស៊ីបានបើកការវាយប្រហារថ្មី ដើម្បីដណ្តើមយកតំបន់ដុនបាសភាគខាងកើត នេះបើតាមការចុះផ្សាយរបស់សារព័ត៌មានBBC។ ទីក្រុងមូស្គូបានទម្លាក់គ្រាប់រ៉ុក្កែត និងបាញ់កាំភ្លើងធំដាក់ទីក្រុងនានារបស់អ៊ុយក្រែនកាលពីថ្ងៃចន្ទ ហើយនៅក្នុងសុន្ទរកថាវីដេអូមួយ លោក Zelensky បាននិយាយថា «សមរភូមិដើម្បីដុនបាសបានចាប់ផ្តើមហើយ»។ ការ​វាយលុក​ត្រូវ​បាន​គេ​រំពឹង​ទុក​ជា​យូរ​មក​ហើយ ​បន្ទាប់​ពី​រុស្ស៊ី​បរាជ័យ​ក្នុង​ការ​ដណ្តើម​យកទី​ក្រុងកៀវ។ ដំបូងឡើយ រុស្ស៊ីហាក់ដូចជាចង់ដណ្តើមយកទីក្រុងធំៗ និងផ្តួលរំលំរដ្ឋាភិបាលអ៊ុយក្រែនតែម្ដង។

ប៉ុន្តែបន្ទាប់ពីប្រឈមមុខនឹងការតស៊ូយ៉ាងស្វិតស្វាញ មន្ត្រីការពារជាតិរុស្ស៊ីបាននិយាយថា គោលបំណងសំខាន់របស់ខ្លួននៅក្នុង «ដំណាក់កាលដំបូងនៃប្រតិបត្តិការ» បានទទួលជោគជ័យជាធម្មតា ហើយកងកម្លាំងរបស់រុស្ស៊ីត្រូវបានផ្លាស់ប្តូរពីតំបន់ជុំវិញរដ្ឋធានី។ ប្រធានាធិបតីរុស្ស៊ីលោក លោក វ្ល៉ាឌីមៀ ពូទីន បានពណ៌នាការឈ្លានពាននេះ ថាជាការប៉ុនប៉ងដើម្បីរំសាយកងទ័ព និងប្រឆាំង Nazi នៅអ៊ុយក្រែន ដែលជាអ្វីដែលប្រទេសអ៊ុយក្រែន និងសម្ព័ន្ធមិត្តបានច្រានចោល ហើយថាជាលេសរុស្ស៊ី សម្រាប់ការវាយប្រហាររបស់ខ្លួន៕

អត្ថបទ៖ លីដា
ប្រភព៖ BBC