លោក Pep Segura ដែលជាប្រធានកីឡារបស់ក្លិប Barcelona បានបដិសេធមិននិយាយពីលទ្ធភាពដែលខ្សែប្រយុទ្ធ Neymar គ្រោងនឹងចាកចេញពីក្លឹប Paris Saint-Germain ត្រលប់មកកាន់ទឹកដី Camp Nou វិញនៅក្នុងពេលអនាគត។

ខ្សែប្រយុទ្ធសញ្ជាតិប្រេស៊ីលរូបនេះបានចាកចេញពីក្លឹបអ្នកមានបុណ្យ Barcelona កាលពីចុងឆ្នាំ 2017 កន្លងទៅដើម្បីងាកទៅចូលរួមជាមួយនឹងក្លឹបអ្នកមានបារាំង PSG ក្នុងតម្លៃផ្ទេរបំបែកកំណត់ត្រាពិភពលោក 222លានអឺរ៉ូ។ ក្រោយពេលទៅដល់ PSG ខ្សែប្រយុទ្ធសញ្ជាតិប្រេស៊ីលរូបនេះបានក្លាយជាកីឡាករនាំលេងដ៏សំខាន់របស់ក្លឹប ប៉ុន្ដែពេលនេះ Neymar កំពុងមានពាក្យចចាមអារាមជាច្រើនថារូបគេនឹងត្រលប់មកកាន់ទឹកដីអេស្ប៉ាញវិញក្នុងពេលឆាប់ៗនេះ ក្រោយ Neymar កំពុងមានទំនាក់ទំនងជាមួយនឹង Real Madrid និង Barcelona។

យោងតាមការចុះផ្សាយរបស់សារពត៌មាន Marca បានលើកឡើងថា៖ ក្លឹបអ្នកមានបុណ្យ Barcelona បានដឹងថា Neymar ចង់វិលត្រលប់មកកាន់ក្លឹបវិញ (Barcelona) ហើយពួកគេពិតជាសប្បាយចិត្តក្នុងការនាំយកខ្សែប្រយុទ្ធសញ្ជាតិប្រេស៊ីលរូបនេះត្រលប់មកវិញ។ យោងតាមការរាយកណ៍៖ Barcelona នឹងមានឱកាសចុះហត្ថលេខានាំយកខ្សែប្រយុទ្ធ Neymar មកវិញនៅក្នុងរដូវក្ដៅខាងមុខនេះ ឫក៏ក្នុងពេលអនាគត។

បុត្រ

ប្រភព៖ 90min