យោងតាមការចុះផ្សាយនៅលើសារព័ត៌មាន Sanook បានអោយដឹងថា Dj Soda រឺ កញ្ញា wang Sohee ដែលជា Dj ស្រីដ៏ល្បីមួយរូបរបស់ប្រទេសកូរ៉េខាងត្បូង បានផុសរៀបរាប់នៅក្នុងគណនី Instagram ផ្ទាល់ខ្លួនកាលពីថ្ងៃទី២៦ ខែមេសា ឆ្នាំ២០២២ កន្លងទៅ បន្ទាប់ពីរូបនាងត្រូវបានសមត្ថកិច្ចនាំនាងចុះពីលើយន្តហោះ ព្រោះតែការរៀបចំខ្លួនមិនសមរម្យ ព្រមទាំងមានការបញ្ជាអោយនាងដូរខោចេញ ដោយសារតែខោនោះមានសរសេរពាក្យថា “Fuck you”។

Dj Soda បានរៀបរាប់បន្តទៀតថា កន្លងមកនាងបានធ្លាប់ស្លៀកខោមួយនេះចេញប្រគុំតន្ត្រី Concert រាល់ដងនៅសហរដ្ឋអាមេរិច ចំណែកក្រុមហ៊ុនអាកាសចរណ៍ក៏មិនមានប្រតិកម្មអ្វី នៅពេលដែលនាងដើរទៅ Check in និងអង្គុយលើយន្តហោះហើយ។ ប៉ុន្តែថ្មីៗនេះខណៈពេលដែលនាងកំពុងអង្គុយផឹកភេសជ្ជៈនៅលើយន្តហោះ American Airline ស្រាប់តែសមត្ថកិច្ចដើរមកប្រាប់ខ្ញុំអោយនាំយកកាបូបចេញពីទៅក្រៅដោយមិនបានប្រាប់អំពីមូលហេតុ។

លុះក្រោយពីនាងបានចុះពីលើយន្តហោះហើយទើបសមត្ថកិច្ចបានប្រាប់ខ្ញុំថា «ខ្ញុំស្លៀកខោមិនសមរម្យព្រមទាំងធ្វើអោយមិត្តរួមដំណើរមិនសប្បាយចិត្ត» ចុងក្រោយខ្ញុំត្រូវស្លៀកខោមួយនេះបញ្រ្ចាសវិញគឺមានន័យថា ស្លៀកខោដដែលដោយត្រឡប់ផ្នែកអក្សរចូលក្នុងវិញ ទើបសមត្ថកិច្ចព្រមអោយខ្ញុំឡើងយន្តហោះបាន។ ចំពោះហេតុការណ៍នេះបានធ្វើអោយជើងហោះហើររបស់ខ្ញុំបានពន្យាអស់រយៈពេល១ម៉ោង ហើយក៏បានធ្វើអោយប៉ះពាល់ដល់មិត្តរួមដំណើររបស់ខ្ញុំត្រូវរងផលប៉ះពាល់ទៅជាមួយផងដែរ។ ជាចុងក្រោយDj Soda បានប្រកាសថា ខ្ញុំស្បថថាឈប់ជ្រើសរើសក្រុមហ៊ុនអាកាសចរណ៍ American Airlines ទៀតឡើយ ហើយនាងក៏សង្ឃឹមថានឹងមិនមាននរណាត្រូវជួបហេតុការណ៍ដ៏អាម៉ាស់នេះទៀតឡើយ៕

I GOT KICKED OFF FROM @AmericanAir flight and they harassed me to take off my sponsored @RIPNDIP ‘F**K YOU’ sweatpants in front of people to board again. pic.twitter.com/YU0TrhZjry

— djsoda (@dj_soda_) April 26, 2022

អត្ថបទ៖ Bee

ប្រភព៖ sanook