អេហ្ស៊ីប រកឃើញផ្នូរចំនួន ៨៥ ដែលមានអាយុ ៤,៥០០ឆ្នាំ ជាមួយនឹងសំបុត្រមរណភាពឈើបែបនេះ

តាមប្រភពព័ត៌មានរបស់ Khaosod ដែលបានចុះផ្សាយកាលពេលថ្មីៗនេះ បានអោយដឹងថា «ក្រសួងទេសចរណ៍ និងវត្ថុបុរាណអេហ្ស៊ីប បានបង្ហាញពីការរកឃើញផ្នូរបញ្ចុះសពទាំង ៨៥ ពីសម័យអាណាចក្រចាស់ប្រហែល ៤៥០០ ឆ្នាំមុនដល់រាជវង្ស Ptolemy ចន្លោះឆ្នាំ ៣០៥-៣០មុនគ.ស នៅ Sohag ភាគខាងត្បូងប្រទេសអេហ្ស៊ីប»។

ក្រុមអ្នកបុរាណវិទូនៅតំបន់ Cabal El Haridi ដែលនៅឆ្ងាយពីក្រុង Cairo ទៅភាគខាត្បូងប្រមាណជា ៣៥០គីឡូម៉ែត្រ បានរកឃើញ សំបុត្រមរណភាពឈើ នៅក្បែរសាកសពម៉ាំមីចំនួន ៣០សន្លឹក។ ក្នុងសំបុត្រមរណភាពនោះបានបញ្ជាក់ពីឈ្មោះ មុខរបរ អាយុ និងឈ្មោះឪពុកម្តាយរបស់សពដែលបានសរសេរជាអក្សរសិល្ប៍ក្រិកបុរាណ និងអេហ្ស៊ីប។ ជាមួយគ្នានេះក្រុមអ្នកបុរាណវត្ថុវិទូក៏បានរកឃើញផ្ទះប៉មធ្វើពីឥដ្ឋភក់ពីសម័យស្តេច Ptolemy IIIផងដែរ៕

អត្ថបទ៖ Bee
ប្រភព៖ khaosod