ជប៉ុន​បាន​ដាក់​ទណ្ឌកម្ម​បន្ថែម​លើ​រុស្ស៊ី​នៅ​ថ្ងៃ​ព្រហស្បតិ៍​នេះ ដែលរួមទាំងការហាមឃាត់ដ៏មានប្រសិទ្ធភាពលើការវិនិយោគថ្មីៗ ជុំវិញបញ្ហាការឈ្លានពានរបស់រុស្ស៊ីលើអ៊ុយក្រែន។ រដ្ឋាភិបាលជប៉ុនទាមទារចំណែកភាគហ៊ុន ១០% ឬច្រើនជាងនេះ សម្រាប់ក្រុមហ៊ុនរុស្ស៊ី ឬលក្ខខណ្ឌប្រាក់កម្ចីថ្មីដល់ក្រុមហ៊ុនរុស្ស៊ី ដែលនឹងត្រូវសងមកវិញក្នុងរយៈពេលមួយឆ្នាំ។ នោះ​មាន​ន័យ​ថា ការ​ហាមប្រាម​ដ៏​មាន​ប្រសិទ្ធភាព ​គឺផ្ដោតលើ​សកម្មភាព​ទាំង​នោះ។ ការទូទាត់ទៅឱ្យក្រុមហ៊ុនរុស្ស៊ី និងអង្គការផ្សេងទៀត ក៏ត្រូវបានហាមឃាត់ផងដែរ។

ជាមួយគ្នានេះដែរ រដ្ឋាភិបាលបានណែនាំការរឹតបន្តឹងលើការផ្ទេរទ្រព្យសម្បត្តិគ្រីបតូ របស់អ្នកដែលមានឈ្មោះក្នុងបញ្ជីដាក់ទណ្ឌកម្ម ទៅឱ្យភាគីទីបីកាលពីថ្ងៃអង្គារ។ ការផ្លាស់ប្តូរនេះមានគោលបំណងការពារការប្រើប្រាស់ទ្រព្យសម្បត្តិឌីជីថល ដែលមានចន្លោះប្រហោង។ រដ្ឋាភិបាលជប៉ុនក៏បានដកហូតឋានៈពាណិជ្ជកម្ម «ប្រទេសដែលពេញចិត្តបំផុត» នៅទីក្រុងម៉ូស្គូកាលពីខែមុន  ដោយដំឡើងពន្ធលើការនាំចូលពីរុស្ស៊ី។ កាល​ពី​ថ្ងៃ​អង្គារ រដ្ឋាភិបាលក៏​បាន​បន្ថែម​មនុស្ស ១៤១​នាក់ រួម​ទាំង​នាយក​រដ្ឋមន្ត្រី​រុស្ស៊ី លោក Mikhail Mishustin ទៅ​ក្នុង​បញ្ជី​បង្កក​ទ្រព្យសម្បត្តិផងដែរ៕

អត្ថបទ៖ លីដា
ប្រភព៖ NHK