រំជួលចិត្ត! កូនស្រីតូចទៅចូលរួមកម្មវិធីទទួលសញ្ញាបត្ររបស់ឪពុក ព្រមទាំងថតរូបអោយឳពុកយ៉ាងមានមោទនភាព
- BY
- autoadmin
- May 20, 2022
នៅថ្ងៃបញ្ចប់ការសិក្សា យើងតែងតែឃើញឪពុកម្តាយមកអបអរសាទរកូនៗដោយក្តីរីករាយ ប៉ុន្តែតើអ្នកធ្លាប់ឃើញកូនសម្លឹងមើលថ្ងៃបញ្ចប់ការសិក្សារបស់ឪពុកម្តាយដោយទឹកភ្នែករីករាយទេ? តាមប្រភពព័ត៌មាន khoasod បានអោយដឹងថា រឿងរ៉ាវដ៏គួរអោយរំភើបបានកើតឡើងកាលពី ថ្ងៃទី ១៥ ខែឧសភា អ្នកប្រើប្រាស់ Twitter @elenaxlugo បានបង្ហោះរូបថតឪពុក-កូនមួយសន្លឹក ដែលធ្វើឲ្យនាងមានភាពកក់ក្តៅ និងអ្នកនិយមលេង twitter ក៏ទទួលបានអារម្មណ៍កក់ក្តៅនេះដូចគ្នា នៅពេលដែលឃើញ រូបភាពនោះ។ នាងបានរៀបរាប់ថា « នាងបានធ្វើដំណើរទៅចូលរួមកម្មវិធីប្រគល់សញ្ញាប័ត្ររបស់ប្អូនប្រុស ដោយចៃដន្យនាងបានសង្កេតឃើញមានក្រុមគ្រួសារមួយដែលមានតែ ឳពុកនិងកូនស្រី អាយុប្រហែល ៥ទៅ៦ឆ្នាំ កំពុងតែថតរូបជាមួយគ្នាយ៉ាងមានក្តីសុខ។ ក្នុងនោះកូនស្រីធ្វើជាអ្នកថតរូបឱ្យឪពុកដោយប្រើទូរស័ព្ទដៃខ្នាតតូចថតអោយឳពុក ព្រមជាមួយនឹងក្រសែភ្នែកយ៉ាងមោទនភាពចំពោះឳពុករបស់នាង ចំណែកឳពុកនាងគឺដៃកាន់បាច់ផ្កាព្រមទាំងពាក់មួកទទួលសញ្ញាប័ត្រឈរញញឹមទៅកាន់កូនស្រីតែ២នាក់ឳពុកកូន»
ចំណែកអ្នកលេង twitter នោះក៏បានរៀបរាប់បន្ថែមថា នៅថ្ងៃនោះ នាងបានថតរូបជាមួយឪពុក និងកូនផងដែរ ប៉ុន្តែដោយសារតែមានឧបសគ្គផ្នែកភាសា ទើបធ្វើអោយមិនសូវយល់ច្បាស់អំពីសាច់រឿងទាំងមូល។ ដឹងតែឪពុកម្នាក់នេះរៀនចប់សាកលវិទ្យាល័យកាលីហ្វ័រញ៉ា ផ្នែកច្បាប់តែប៉ុណ្ណោះ៕
អត្ថបទ៖ Bee
ប្រភព៖khaosod
- Share This Post: