បរទេស៖ ស្ត្រីជនជាតិសឹង្ហបុរីម្នាក់បាននាំម្តាយរបស់នាងត្រឡប់ទៅទិញទំនិញម៉ាកប្រណិត Dior បន្ទាប់ពីម្តាយរបស់នាងបាននិយាយថា គាត់ត្រូវបានបុគ្គលិកផ្នែកលក់មិនអើពើ ដោយសារតែការស្លៀកពាក់។

Amgia បានបង្ហោះវីដេអូនៅលើកម្មវិធី TikTok របស់នាង nahtyourbby កាលពីថ្ងៃទី១៧ ឧសភា ដោយនិយាយថាម្តាយរបស់នាងដែលបានទៅមើលទំនិញនៃហាងប្រ៊ែនដ៏ប្រណិត Dior តែត្រូវត្រលប់មកផ្ទះដោយដៃទទេ ព្រោះអ្នកលក់មិនចាប់អារម្មណ៍ទៅលើការបំរើសេវាកម្ម ព្រមទាំងបដិសេដដល់ការនាំយកទំនិញដែលម្តាយនាងចាប់អារម្មណ៍មកអោយមើលផងដែរ។ ហើយពួកកគេបានទុកម្តាយរបស់ខ្ញុំឱ្យឈរនៅទីនោះអស់រយៈពេល ជាង ១០នាទី ហើយម្តាយរបស់ខ្ញុំបានឃើញថា ពួកគេបម្រើសេវាកម្ម ដល់គ្រួសារមួយផ្សេងទៀតតាមរបៀបខុសគ្នាទាំងស្រុង ក្នុងខណៈពេលដែលម៉ាក់នៅតែរង់ចាំនៅទីនោះ។

Amgia សន្មត់ថា អ្នកលក់មិនមានឆន្ទៈក្នុងការបម្រើសេវាកម្ម ព្រោះគេនឹងទទួលបានភាគរយពីការលក់ផលិតផល ហើយប្រហែលជាគិតថា ម្តាយរបស់នាងក្រីក្រ ដោយមើលតែលើសម្លៀកបំពាក់របស់ម្តាយនៅថ្ងៃនោះ។ដូច្នេះ​នាង​បាន​នាំ​ម្តាយ​នាង​ត្រឡប់​ទៅ​ហាង​វិញ​នៅ​ថ្ងៃ​បន្ទាប់ ខណៈ​ដែល​ម្តាយ​របស់​នាង​បដិសេធ​ ប៉ុន្តែនាង​ចង់​ត្រឡប់​ទៅ​វិញ។ Amgia ក៏បានប្រាប់ម្តាយរបស់នាងថា ការជៀសវាងមិនចូលហាងមិនមែនជាវិធីត្រឹមត្រូវក្នុងការដោះស្រាយបញ្ហាជីវិតនោះទេ នាងថែមទាំងពោលថា  “អ្នកអាចប្រមាថខ្ញុំបាន ប៉ុន្តែ​មិនអាចប្រមាថ​ម្តាយ​ខ្ញុំ​បានទេ” នៅពេលដែល Amgia និងម្តាយរបស់នាងត្រលប់ទៅ Dior នាងត្រូវបានមើលថែយ៉ាងល្អដោយអ្នកលក់របស់ហាងផ្សេងទៀត ដែលធ្វើអោយនាងសម្រេចចិត្តទិញបានទំនិញច្រើនគួរសម៕

អត្ថបទ៖ Bee

ប្រភព៖sanook