អន្តរជាតិ

ក្មេងប្រុសជនជាតិអាមេរិកអាយុ ២ឆ្នាំម្នាក់ បានលេងកាំ.ភ្លើងពិត ជ្រុលបា.ញ់ត្រូវឪពុករបស់ខ្លួន រហូតបាត់បង់ជីវិត ខណៈម្ដាយត្រូវចាប់ខ្លួនដោយសាររឿង ១នេះ

BY: autoadmin

: June 11, 2022

យោងតាមប្រភពព័ត៌មានចុះផ្សាយកាលពីពេលកន្លងទៅនេះ បានអោយដឹងថា ប៉ូលីសនៅទីក្រុង Orlando នៃរដ្ឋ Florida សហរដ្ឋអាមេរិក ទទួលបានសេចក្តីរាយការណ៍ថា មានការផ្ទុះអាវុធមួយនៅក្នុងផ្ទះ នៅពេលដែលមន្រ្តីប៉ូលីសមកដល់ ពួកគេបានឃើញស្រ្តីជាប្រពន្ធដែលមានឈ្មោះថា Maria Ayala កំពុងធ្វើ CPR អោយប្តីរបស់នាងគឺលោក Reggie Mabri មុនពេលបញ្ជូនទៅមន្ទីរពេទ្យ ហើយក្រោយមកក៏បាត់បង់ជីវិត។ ដំបូងឡើយ មន្ត្រីប៉ូលីសបានយល់ថា ប្តីរបស់នាងអាយុ ២៦ឆ្នាំបានបាញ់សម្លាប់ខ្លួនឯង ប៉ុន្តែ តាមការបញ្ជាក់របស់កូនច្បងនៃបងប្អូនបង្កើតទាំងបីនាក់នោះបានបង្ហាញថា ជនដៃដល់ពិតជាប្អូន ប្រុសទី២ ដែលមានអាយុទើបតែ២ឆ្នាំ។

នៅមុនពេលកើតហេតុ ឪពុកដែលជាម្ចាស់កាំភ្លើងបានទុកកាំភ្លើងក្នុងកាបូបនៅលើឥដ្ឋ មុនពេលក្មេងតូចមករើយកទៅលេងរហូតភ្លាត់កាំភ្លើងបាញ់ចំខ្នងឪពុករបស់ខ្លួន ខណៈ ពេលដែលគាត់កំពុងអង្គុយនៅលើតុលេងហ្គេមកុំព្យូទ័រ។ គ្រួសារសពមានកូន ៣នាក់ កូនពៅអាយុទើបតែ ៥ខែប៉ុណ្ណោះ ដោយឪពុកនិងម្តាយរបស់កូនទាំងបីត្រូវបានគេរាយការណ៍ថា កំពុងស្ថិតក្នុងការនៅក្រៅឃុំពីបទចោទផ្សេងៗរួមទាំង ការធ្វេសប្រហែសលើកូនផងដែរ និងមានការចោទប្រកាន់លើការប្រើប្រាស់គ្រឿងញៀន ដែលហេតុការណ៍នេះនឹងធ្វើឱ្យម្តាយរបស់ក្មេងត្រូវជាប់គុក ខណៈពេលដែលឪពុកបានស្លាប់ ហើយអាជ្ញាធរត្រូវផ្តល់ផ្ទះថ្មីមួយដែលនឹងបន្តមើលថែក្មេងទាំងបីនាក់នោះ៕

អត្ថបទ៖ Bee

ប្រភព៖ thairath

Share This Post:

SPONSOR

អត្តបទទាក់ទង

មនុស្ស ២នាក់បានបាត់បង់ជីវិត នៅក្នុងហេតុការណ៍មានភ្លើងឆេះបន្ទប់សូណាមួយកន្លែងនៅប្រទេសជប៉ុន

ជប៉ុនរងការវាយប្រហារដោយគ្រោះរញ្ជួយដីកម្រិត ៥,៧រ៉ិចទ័រ