យោងតាមសារព័ត៌មាន Reuters និង Straits Times បានរាយការណ៍កាលពីថ្ងៃទី១៣ ខែមិថុនា អំពីស្ថានភាពនៃជំងឺ កូវីដ-១៩ នៅទីក្រុងប៉េកាំង រដ្ឋធានីរបស់ប្រទេសចិនដែលបានរកឃើញការផ្ទុះឡើងជាថ្មីម្តងទៀត។

អ្នកនាំពាក្យរដ្ឋាភិបាលក្នុងតំបន់របស់ទីក្រុងប៉េកាំងបាននិយាយថា យ៉ាងហោចណាស់ករណីកូវីដ-១៩ ចំនួន ១៦៦ ត្រូវបានផ្សារភ្ជាប់ទៅនឹងចង្កោមនៃផ្សារទំនើប Chaoyang Heaven ដែលបានរកឃើញអ្នកជំងឺក្រុមដំបូងកាលពីសប្តាហ៍មុន។ ហើយក្នុងរយៈពេល ២៤ ម៉ោងចុងក្រោយនេះ ករណីដែលត្រូវបានបញ្ជាក់បានកើនឡើងចំនួន ៣៣ ករណីទៀតនៅទីក្រុងប៉េកាំង ដែលត្រូវបានបញ្ជាក់នាំឱ្យចំនួនសរុបកើនឡើងចាប់តាំងពីថ្ងៃទី២២ ខែមេសា ដោយកើនឡើងយ៉ាងហោចណាស់ ១,៩៩៧នាក់ ខណៈចំនួនករណីថ្មីនៅទូទាំងប្រទេសត្រូវបានរកឃើញចំនួន ៨៩នាក់ទៀត និងករណីគ្មានរោគសញ្ញាសរុបចំនួន ១៣១នាក់ សរុប ២២៤.៨៨២ ករណី និងមានអ្នកស្លាប់ ៥.២២៦ នាក់។

ជាមួយគ្នានេះដែរ​ រដ្ឋាភិបាល​ក្រុង​ប៉េកាំង​បាន​ប្រកាស​អនុវត្ត​វិធានការ​តឹងរ៉ឹង​ដើម្បី​គ្រប់គ្រង​ជំងឺកូវីដ-១៩ ជា​ថ្មី​ម្តង​ទៀត​នៅ​ថ្ងៃ​ទី០៩ ខែ​មិថុនា ក្នុងនោះយ៉ាង​ហោច​ណាស់​សង្កាត់​ពីរ​រួម​ទាំង Chaoyang ដែល​មាន​ប្រជាជន​ច្រើន​ជាង​គេ​ក្នុង​ទីក្រុង​ប៉េកាំង ក្រុមមន្ត្រីបានបញ្ជាឱ្យបិទកន្លែងកម្សាន្តមួយចំនួន បន្ទាប់ពីមានការឆ្លងមេរោគនៅកន្លែងកម្សាន្តនាពេលរាត្រីនានា៕

អត្ថបទ៖ Bee

ប្រភព៖ khaosod