កាលពីថ្ងៃទី១៤  ខែមិថុនា ឆ្នាំ២០២២ អ្នកយកព័ត៌មានបានរាយការណ៍ថា នៅចំណតរថយន្តផ្សារទំនើប Ozone Village ផ្លូវ Thepharak ស្រុក Muang ខេត្ត Khon Kaen បានប្រទះឃើញភាពផ្អែមល្ហែមរបស់គូស្នេហ៍នៅខេត្ត Khon Kaen ដែលនាំមកនូវស្នាមញញឹម និងសំណើចដល់អ្នកដែលបានឃើញ និងអ្នកដែលប្រើប្រាស់ផ្លូវជាច្រើន។អ្នកដែលបានឃើញ បានកចាប់​យក​ទូរសព្ទ​ដៃ​ដើម្បី​ថត​រូប​រថយន្ត Mitsubishi Attrage ពណ៌​ស ដោយ​សារ​ទ្វារ​រថយន្ត​នៅ​កៅអី​ខាង​មុខជាប់កៅអី​អ្នក​បើក​បរ​ ដោយសារតែមាន​ស្ទីគ័រ​រូបប្ដីប្រពន្ធហើយភ្ជាប់​ជាមួយ​នឹង​សារ​ថា “កៅអីប្រពន្ធ” ហើយនៅលើកញ្ចក់ខាងក្រោយ បិទស្ទីគ័រ ជាមួយនឹងសារ «ស្វាមី មី ក្វាង» ។ នេះទទួលបានការចាប់អារម្មណ៍ ពីសំណាក់អ្នកដែលបានឃើញ ដោយសរសើរពីសេចក្តីស្រលាញ់ របស់គូស្នេហ៍ទាំងពីរនេះ ដែលហ៊ានបង្ហាញពិភពលោកយ៉ាងច្បាស់។

លោក​ អ​ភិ​ចិ​ត បា​ន​យ៉េន អាយុ​៣៦​ឆ្នាំ ម្ចាស់​រថយន្ត​បាន​និយាយថា រថយន្ត​នេះ​ទើបតែ​ទិញ​បាន​ប្រហែល ​២​ឆ្នាំ​ប៉ុណ្ណោះ ហើយប្រពន្ធ​របស់គាត់បានធ្វើ​ស្ទីគ័រ​បិទមុខ​ខ្លួនឯង ហើយនឹង​ប្តី ព្រមទាំង​បាន​ភ្ជាប់​ជាមួយឃ្លានៅ​ខាងក្រៅរថយន្តត្រង់កន្លែងអ្នកដំណើរជាប់តៃកុង ថា៖ «កៅអី​ប្រពន្ធ»។

ជុំវិញមុលហេតុដែលអ្នកទាំងពីរសម្រេចបិទស្ទីកគ័របែបនេះ ព្រោះមិន​ចង់​ឲ្យ​អ្នក​ណា​អង្គុយ​មុខ​ឡាន​ទេ លើក​លែង​តែ​ប្រពន្ធ​ប៉ុណ្ណោះ ព្រោះប្រពន្ធ​មិន​ចង់​ឲ្យ​អ្នក​ណា​មក​អង្គុយ​កៅអីខាងមុខដែលជាកម្មសិទ្ធិរបស់នាងទេ ទើប​នាង​ធ្វើ ស្ទីកគ័របិទជាប់រហូត ដល់ពេលអ្នកដ៏ទៃឃើញ ក៏មកចំអកថា ហេតុអ្វីស្រលាញ់ប្រពន្ធខ្លាំង តែបើអ្នកផ្សេងអង្គុយដឹងតែមិនរួចខ្លួនហើយ ព្រោះប្រពន្ធគេប្រច័ណ្ឌខ្លាំង។  បុរសជាប្ដីបាន ប្រាប់បន្តថា  ស្ទីគ័រ​បែប​នេះ​ត្រូវ​បាន​បិទ​តាំង​ពី​ទិញ​រថយន្ត​ថ្មី​រហូត​ដល់​សព្វ​ថ្ងៃ ធ្វើ​ឲ្យ​មិត្ត​សព្វ​ថ្ងៃ​មិន​ហ៊ាន​អង្គុយ ជាពិសេស​បើ​ជា​មនុស្ស​ស្រី គ្មាន​នរណា​ហ៊ាន​អង្គុយ​ទាល់តែ​សោះ តែ​បើ​មាន​មនុស្ស​ស្រី​ជិះ​ក្នុង​ឡាន នាង​នឹង​សុំ​អង្គុយ​ខាងក្រោយ​ជំនួស ព្រោះ​ខ្លាច​៕

អត្ថបទ៖ Bee

ប្រភព៖ sanook