កាលពីថ្ងៃទី២០ មិថុនា ថ្មីៗនេះ អ្នកយកព័ត៌មានបានទទួលពាក្យបណ្ដឹងពីអ្នកលក់គុយទាវសាច់មាន់ម្នាក់នៅម្តុំ Ban Chak Mai Rua ផ្លូវ 3141 ផ្ទះលេខ 289/2 ភូមិ 11 ឃុំ Nong Ralok ស្រុក Ban Khai ខេត្ត Rayong ដែលបាន​ទៅ​ទិញ​ទឹកដោះគោ​ជូរ​​​មក​ញ៉ាំ ហើយ​បាន​រក​ឃើញ​ថា​ មាន​អ្វី​មួយ​នៅ​ក្នុង​កែវ​ទឹកដោះគោ​ជូរ​ដែល​ស្រដៀង​នឹង​ក្រចក​ដៃ​មនុស្ស។

តាម​ការ​សាកសួរ អ្នកស្រី នីត យ៉ា អាយុ ​៤២​ឆ្នាំ ប្រាប់​អ្នក​សារព័ត៌មាន​ថា​ គាត់ចូលចិត្តទឹកដោះគោជូរណាស់ គាត់បានហូបទឹកដោះគោជូរជាង ២០ឆ្នាំមកហើយ លុះដល់ថ្ងៃទី១៩ ខែមិថុនា វេលាម៉ោងប្រហែល ៧យប់ គាត់បានទៅទិញទឹកដោះគោជូរមកហូបនៅមុខផ្ទះ ដំបូង​ឡើយ គាត់មិន​បាន​គិត​អ្វី​ទេ ព្រោះ​​គិត​ថា​ជា​គ្រាប់​ពោត លុះពេល​យក​ទៅ​ញ៉ាំបន្ត ហើយទំពាររហូតទាល់តែចម្លែកចិត្ត រួចខ្ជាក់ចេញមកបែជារន្ធត់ចិត្តទៅវិញ គឺជាក្រចកមនុស្ស។

ក្រោយឃើញបែបនេះ អ្នកស្រីសុំអោយម្ចាស់​តូប​លក់​គ្រឿងទេស ​ដែលខ្លួន​បាន​ទៅ​ទិញ​ទឹកដោះគោ​ជូរ និង​មនុស្ស​៤-៥​នាក់​នៅ​ហាង​ជួយ​មើល​គ្នាថាវាជាក្រចកដៃ ឬ យ៉ាងណា  ហើយពួកគេ​ទាំង​អស់​គ្នា​និយាយ​ដោយ​ឯកភាព​គ្នា​ថា​ជា​ក្រចក​មនុស្ស​ពិតមែន។ យ៉ាងណាមិញចំណែកក្រុមហ៊ុន ឬ​ភ្នាក់ងារ​បាន​ទាក់ទង​មកអ្នកស្រីហើយ ប៉ុន្តែ​មិន​ទាន់​មាន​អ្វី​ត្រូវ​បាន​បញ្ជាក់​នៅ​ឡើយ​ទេ ដូច្នេះ​ហើយ​អ្នកស្រីសូម​ទុក​ឲ្យ​ក្រុមហ៊ុន​យក​ចិត្ត​ទុក​ដាក់​លើ​ដំណើរការ​ផលិត ដោយចង់ឱ្យបុគ្គលិកពាក់ស្រោមដៃផងដែរ។ អ្នកស្រី ថង ស្រ៊ី ​ម្ចាស់​ហាង​លក់​គ្រឿងទេស រឺហាងចាប់ហួយ បាននិយាយថា គាត់បានបើក​​ហាងនេះ​ជិត​ ៣​ឆ្នាំ​មក​ហើយ​ មិន​ធ្លាប់​មាន​រឿង​បែប​នេះ​ទេ ហើយ​គិត​ថា​មិន​ចង់​លក់​ទៀត​ទេព្រោះខ្លាចអតិថិជនរិះគន់ ដែលទទួលយករបស់មិនល្អមកលក់៕

អត្ថបទ៖ Bee

ប្រភព៖ sanook