ទីភ្នាក់ងារសារព័ត៌មានរដ្ឋរបស់ប្រទេសអាហ្វហ្គានីស្ថានបានរាយការណ៍ថា គ្រោះរញ្ជួយដីដ៏ខ្លាំងក្លាមួយនៅក្នុងស្រុក Gayan នៃខេត្ត Paktika របស់ប្រទេសអាហ្វហ្គានីស្ថាន បានសម្លាប់មនុស្សយ៉ាងហោចណាស់ ២៥៥ នាក់ និងរបួស ១៥៥ នាក់ផ្សេងទៀត។ ទីភ្នាក់ងារស្ទាបស្ទង់ភូមិសាស្ត្រអាមេរិក បាននិយាយថា ការរញ្ជួយដីកម្រិត ៦.១រ៉ិចទ័រ បានវាយប្រហារផ្នែកខ្លះនៃប្រទេសអាហ្វហ្គានីស្ថាន និងប៉ាគីស្ថាន នៅព្រឹកព្រលឹមថ្ងៃពុធនេះផ្ទាល់។

រូបថត​ដែល​បាន​បង្ហោះ​លើ​បណ្តាញ​សង្គម​ បាន​បង្ហាញ​ពី​ផ្ទះ​ភក់​ជាច្រើន​ខ្នង​ដែល​រង​ការ​ខូច​ខាត​យ៉ាង​ខ្លាំង​ នៅ​តំបន់​ជនបទ​ដាច់ស្រយាល​។ ជម្រាបដែរថា អាហ្វហ្គានីស្ថានតែងតែរងគ្រោះដោយការរញ្ជួយដី ជាពិសេសនៅតំបន់ជួរភ្នំ Hindu Kush ដែលស្ថិតនៅជិតចំនុចប្រសព្វនៃស្រទាប់តិចតូនិច របស់តំបន់អឺរ៉ាសៀ និងឥណ្ឌា៕

អត្ថបទ៖ លីដា
ប្រភព៖ CGTN