ប្រទេសឡាវ នឹងចាប់ផ្តើមលក់ថាមពលអគ្គិសនីទៅប្រទេសសិង្ហបុរី ក្នុងពេលឆាប់ៗនេះ
- BY
- autoadmin
- June 23, 2022
ប្រទេសឡាវគ្រោងនឹងចាប់ផ្តើមលក់ទៅឱ្យប្រទេសសិង្ហបុរី ក្រោមគម្រោងថាមពលរួមបញ្ចូលគ្នា ឡាវ-ថៃ-ម៉ាឡេស៊ី-សិង្ហបុរី (LTMS-PIP)។ កិច្ចព្រមព្រៀងទិញថាមពលនេះត្រូវបានចុះហត្ថលេខាដោយលោក Chantaboon Sukalun នាយកគ្រប់គ្រងនៃអាជ្ញាធរអគ្គិសនីឡាវ (EDL) និងលោក Janice Bong នាយកប្រតិបត្តិរបស់ក្រុមហ៊ុន Keppel Infrastructure Holdings ក្នុងពិធីចុះហត្ថលេខាមួយដែលធ្វើឡើងក្នុងទីក្រុងវៀងចន្ទ កាលពីថ្ងៃសុក្រ ទី១៧ ខែមិថុនាកន្លងមក។
ពិធីចុះហត្ថលេខានេះមានការចូលរួមពីលោក Daowong Phonkaew រដ្ឋមន្ត្រីក្រសួងថាមពល និងរ៉ែនៃប្រទេសឡាវ លោក Putanupet Saisombat អនុរដ្ឋមន្ត្រីក្រសួងហិរញ្ញវត្ថុឡាវ និងលោក Liao Xiulin ឯកអគ្គរដ្ឋទូតសិង្ហបុរីប្រចាំប្រទេសឡាវ ព្រមទាំងមន្ត្រីរដ្ឋាភិបាល និងតំណាងភាគីទាំងពីរដែលបានចូលរួម។
យោងតាមរបាយការណ៍ប្រចាំថ្ងៃរបស់កាសែត Vientiane Times ថាមពលសរុប ១០០មេហ្គាវ៉ាត់ ពីវារីអគ្គិសនី Pak Ngeuy–Pha Oudom ក្នុងខេត្តបកែវ ប្រទេសឡាវ នឹងត្រូវបានផ្គត់ផ្គង់ទៅកាន់ប្រទេសសិង្ហបុរី។ គួរបញ្ជាក់ផងដែរថា គម្រោង (LTMS-PIP) នេះ ត្រូវបានផ្តួចផ្តើមឡើងដោយប្រទេសទាំងបួនកាលពីខែកញ្ញា ឆ្នាំ២០១៤ ហើយបន្ទាប់ពីធ្វើការជាមួយគ្នាអស់ជាច្រើនឆ្នាំមក ឡាវ ថៃ ម៉ាឡេស៊ី និងសិង្ហបុរីបានកំណត់គោលដៅរបស់ពួកគេ ក្នុងការក្លាយជាប្រទេសចំនួនបួនដំបូងគេនៅក្នុងតំបន់អាស៊ានសម្រាប់ការទិញ និងលក់ថាមពលនៅក្រៅប្រទេស៕
អត្ថបទ៖ Bee
ប្រភព៖ khaosod
- Share This Post: