ថៃ៖ កាលពីថ្ងៃទី១១ ខែកក្កដា អ្នកយកព័ត៌មានបានទទួលដំណឹងថា មានពិធីសូត្រមន្តបំបួសនាគមួយបានរៀបចំយ៉ាងប្លែក ដោយម្ចាស់កម្មវិធីបានរៀបចំពិធីបំបួសនាគឱ្យកូនប្រុស ដោយជិះយន្តហោះដែលធ្វើពីដែក។ ពិធីបំបួសនាគនោះត្រូវបានធ្វើឡើងនៅនៅឃុំសារិកា ខេត្តណាខនណាយុគ ដោយលោកប្រាសិទ្ធ ឡាប៉ា អាយុ៥៦ឆ្នាំ ជាមេភូមិនៃតំបន់នោះ។ លោកប្រាសិទ្ធ បានរៀបចំពិធីបំបួសនាគឱ្យកូនប្រុសរបស់គាត់ឈ្មោះថា កិត្តិថាត់ ឡាប៉ា ដោយជិះយន្តហោះដែលធ្វើពីដែកគ្របដោយក្រដាសថ្លា ជាមួយការបាញ់​ថ្នាំ​បាញ់​ដើម្បី​ឱ្យ​មើល​ទៅ​ស្រស់​ស្អាត ដង្ហែជុំវិញព្រះវិហារ។ នៅក្នុងក្បួននោះ មានទាំងអ្នករាំដង្ហែរយ៉ាងសប្បាយ។

តាមការសួរនាំ លោក ប្រាសិទ្ធ បានដឹងហើយថា តាមពិតទៅពិធីបួសនាគ នៅតំបន់ខ្លះមានការរៀបចំខុសៗពីគ្នា ដោយអ្នក​ខ្លះ​ឲ្យ​​ជិះ​ដំរី អ្នកខ្លះឲ្យជិះសេះ ប៉ុន្តែ​សម្រាប់​គាត់​វិញ គាត់​គិត​ថា​សម្រាប់​ការ​ជិះ​យន្តហោះ​ទៅ​ដង្ហែ​ជុំវិញ​ព្រះវិហារ​មាន​ន័យ​ថា​គាត់​ចង់​ឱ្យ​ប្លែក ហើយក៏ ដើម្បី​កាត់​ផ្តាច់​ចំណង់​ក្នុង​លោក គឺមានន័យថាអ្វីៗគឺមិនជាប់លាប់ កុំប្រកាន់ រឺចង់បានការល្បួងផ្សេងៗ ហើយនៅពេលនៅកន្លែងខ្ពស់ ហើយ​ពេល​បួស​ជា​ព្រះសង្ឃ គេ​នឹង​ប្រកាន់​ខ្ជាប់​នូវ​ព្រះពុទ្ធសាសនា ហើយក្រៅពីនេះគាត់ចង់ទទួលបាននៅលើគែមនៃក្រណាត់ពណ៌លឿងរបស់កូន ដើម្បី​ផ្គត់ផ្គង់នាំ​គ្រួសារ​ឱ្យ​មាន​សំណាង​ខ្ពស់ ដោយកូនប្រុស​បាន​បួស​រហូត​ដល់​ចុង​ខែ​៣៕

អត្ថបទ៖ Bee
ប្រភព៖ khaosod