តាមរយៈអ្នកលេងហ្វេសប៊ុកម្នាក់មានឈ្មោះថា Palm Mini បានបង្ហោះសារចែករំលែកបទពិសោធន៍របស់គាត់ដែលពិការមួយចំហៀងខ្លួនដោយសារគាត់មិនចូលចិត្តផឹកទឹកធម្មតា។ នាងបានសរសេរថា “Share ទុកជាមេរៀន រឺសារដាស់តឿន ដើម្បីរំលឹក​ដល់មនុស្ស​ជា​ទី​ស្រឡាញ់​កុំ​ឲ្យ​អូសរំលង ប្រសិនបើអ្នកមិនចូលចិត្តផឹកទឹកធម្មតាទេ គឺ​ប្រឈមនឹងគ្រោះថ្នាក់ណាស់ ទម្រាំដឹងគឺយឺតពេលទៅហើយ ព្រោះមិនមានសញ្ញាណតឿននៃជម្ងឺនេះសោះឡើយ ហើយអ្នកក៏ប្រហែលជាមិនមានសំណាងដូចខ្ញុំទេ ព្រោះជាច្រើនឆ្នាំកន្លងមកនេះ ខ្ញុំមិនដែលផឹកទឹកធម្មតាទេ។ ប្រាកដណាស់ អ្នកបានឮមិនខុសទេ ព្រោះមិនថាឃ្លាន អស់កម្លាំង ស្រេកទឹក ឬបន្ទាប់ពីញ៉ាំអាហារ និងលេបថ្នាំ ក្រៅពីទឹកស្អាត ខ្ញុំអាចញ៉ាំបានទាំងអស់ ទឹកដោះគោជូរ តែ កាកាវ ភេសជ្ជៈ ទឹកពណ៌ ទឹកផ្លែឈើ ភេសជ្ជៈប៉ូវកម្លាំង ហើយអ្វីដែលខ្ញុំបានរៀបរាប់ទាំងអស់នេះ ខ្ញុំបានផឹកវាជំនួសទឹកវិញ ព្រោះខ្ញុំគិតថាវាជាទឹកដូចគ្នា”។

អ្នកនាង Mini បានបន្តថា៖ រហូត​មក​ដល់​ឆ្នាំ​មុន ខ្ញុំ​ចាប់​ផ្ដើម​មាន​អាការៈឈឺក្បាល ឈឺ​ចុក​ចាប់​ដូច​ជា​ ឈឺក្បាល​ប្រកាំង ខ្ញុំ​បាន​លេប​ថ្នាំ​បាត់​អស់​រយៈ​ពេល ២ ខែ បន្ទាប់​មក​នៅ​ថ្ងៃ​ទី ១២/៧/២០២១ ខ្ញុំ​បាន​ទៅ​បន្ទប់​ទឹក លុះនៅសុខៗក៏ដូចជាមានមនុស្សមកបិទភ្លើងហើយក៏បើកភ្លើងវិញ។​ ពេល​ខ្ញុំ​ក្រោក​ឈរឡើង វា​ក៏បែរ​ជាទន់ទេរទៅ​ផ្នែកខាងឆ្វេង​ភ្លាមៗ ខ្ញុំ​ក៏​ព្យាយាមតាំងស្មារតីរួចប្រញ៉ាប់​ដើរ​ចេញ​ពី​បន្ទប់ទឹក រួចស្រែកហៅមិត្តប្រុសអោយជួយ នៅពេលដែលមិត្តប្រុសខ្ញុំចូលមក ខ្ញុំ​ក៏ដួល​ មាត់​របស់​ខ្ញុំ​វៀច និងស្ពឹក​ពាក់​កណ្តាលផ្នែកខាងឆ្វេង ធ្លាយក្អួតចេញមក។

ចំណែកអ្នកផ្ទះបាននាំខ្ញុំទៅមន្ទីរពេទ្យក្នុងរយៈពេល ៣០នាទី ខ្ញុំបានចូលទៅធ្វើ MRI ស្កេនលទ្ធផលចេញមក បង្ហាញអោយដឹងថា៖ «សរសៃ​ឈាម​ខួរក្បាល​ត្រូវបាន​រួម​តូច ខួរក្បាល​ហើម បើ​ហើម​មិន​ឈប់​ទេ ត្រូវ​ធ្វើ​ការ​វះកាត់​ខួរក្បាល» តម្រូវអោយស្នាក់នៅបន្ទប់សង្គ្រោះបន្ទាន់ (ICU) ចំនួន២យប់ ចំណែកបេះដូង និងអ្វីៗគឺធម្មតា។ សរុបមក ខ្ញុំមានសំណាងដែលវាឈប់ហើម ប៉ុន្តែខ្ញុំមិនអាចដើរបានទេ ហើយផ្នែកខាងឆ្វេងនៃរាងកាយរបស់ខ្ញុំមិនដំណើរការដូចធម្មតាទេ។ គ្រប់យ៉ាង គឺមិនប្រក្រតី ដូចជា ភ្នែកធ្លាក់ ហូរទឹកមាត់ និយាយមិនច្បាស់ ខ្ញុំនៅតែមិនអាចងូតទឹកខ្លួនឯងបាន ខ្ញុំមិនអាចដើរបាន។ ខ្ញុំត្រូវនៅមន្ទីរពេទ្យបានមួយសប្តាហ៍ ខ្ញុំត្រូវធ្វើលំហាត់ប្រាណរាង្គកាយតាមក្បួនរបស់ពេទ្យ ដើម្បីអោយអាចដើរបានម្តងទៀត និងជួយខ្លួនឯងបានម្តងទៀត។ ខ្ញុំ​បាន​ព្យាបាល​ខ្លួន​ឯង​បាន​ជាង ​២​ខែ​បាន​ជា​សះស្បើយ​គ្រប់​យ៉ាង ទាំងលេប​ថ្នាំ​គ្រប់​មុខ ចាក់ម្ជុរវិទ្យាសាស្រ្តអស់​ច្រើន​បាត​ រហូត​ដល់​ដើរ​វិញ​បាន ៨០% រាង​កាយ​មិន​អាចបំពេញបានអោយដូចដើមបាន ១០០% នោះ គ្រាន់តែប៉ុណ្ណេះក៏ល្អ​ណាស់ហើយ។

សរុបសេចក្តីមក នាងឈឺលើកនេះ ដោយសាររាងកាយនាងមិនបានទទួលជាតិទឹក ធ្វើឱ្យឈាមខាប់ ឈាមស្អិត ឬ ឈាមប្រែជា viscous នាំអោយឈាមហូរយឺត និងកក សំណាងល្អណាស់ដែលវាមិនប៉ះពាល់ដល់សរសៃឈាមខួរក្បាល៕

អត្ថបទ៖ Bee
ប្រភព៖ sanook