ថៃ៖ កាលពីយប់រំលងអាធ្រាត្រ វេលាម៉ោង០១និង២៥នាទី ថ្ងៃទី០៥ ខែសីហា ឆ្នាំ២០២២ មានព្រឹត្តិការណ៍សោកនាដកម្មមួយបានកើតឡើង ដោយមានអគ្គិភ័យបានឆាបឆេះក្លឹប Pub ​ដ៏​ល្បី​មួយឈ្មោះ ​ MOUNTAIN B ​ក្នុង​ក្រុង​សត្យា​ហ៊ីប ស្ថិតលើ​ផ្លូវ​សុខុមវីតបាងណា ភូមិ​បាង​ណា​ត្រាត ភូមិ​៧ ឃុំ ​ផ្លូ​តា​ហ្លួង ស្រុក​សា​តា​ហ៊ីប ខេត្ត​ឈុន​បុរី ប្រទេសថៃ ដោយសាក្សីនៅកន្លែងកើតហេតុបានឲ្យដឹងថា មុនពេលមានអណ្តាតភ្លើងកើតឡើង មានការ​ផ្ទុះ​ពីរ​ដងបាន​បន្លឺ​ឡើង​នៅ​ក្បែរ​ស្តង់​ឌីជេ មុនពេលផ្កាភ្លើងបានកើតឡើងនៅជាប់នឹងបន្ទះស្នោស្រូបសំឡេង ដែលងាយឆេះ រហូតដល់រីករាលដាលយ៉ាងលឿនពេញអគារ។

ក្រោយមកមានការរកឃើញថា មនុស្សចំនួន១៣នាក់ (ស្រី៤នាក់ បុរស៩នាក់) បានស្លាប់បាត់បង់ជីវិត ដោយនៅមុខទ្វារក្លឹបចំនួន ៤នាក់ ក្នុងបន្ទប់ទឹកបុរស ៣នាក់ នៅខាងក្រោយស្តង់ឌីជេ ១នាក់ អ្នកគិតលុយ ២នាក់ នៅមុខអ្នកគិតលុយ ៣នាក់ ហើយសាកសពស្ថិតក្នុងសភាពត្រូវភ្លើងឆាបឆេះពេញខ្លួនប្រាណ ដែលក្នុងនោះមានតារាចម្រៀងម្នាក់ឈ្មោះ អ៊ឹម ឬ ឆាតឆៃ ឈឿនកា ដែលតារាចម្រៀងល្បីប្រចាំហាង ដោយមានអ្នកគាំទ្រចូលមក Comment និងចូលរួមរំលែកទុក្ខ នៅក្នុងហ្វេសប៊ុកផ្ទាល់ខ្លួនជាច្រើន។

ក្រោយមក​នៅ​វេលាម៉ោង​ ៥​:​០០​នាទី​ព្រឹក​ ចំនួន​អ្នកស្លាប់​ត្រូវបាន​បញ្ជាក់​ ដែល​ពេលនេះ​នៅតែ​បញ្ជាក់​ថា ​មនុស្ស​ទាំង​១៣​នាក់​ស្គាល់​ឈ្មោះដូចជា៖
១.​វរសេនីយ៍ឯក ឯក វ៉ា​រ៉ា​គុ​ល​ចំរុះ អាយុ​៣២​ឆ្នាំ
២.​វរសេនីយ៍ទោ ឯក សំរឹទ្ធ ហ៊ិ​ន​ថៅ អាយុ​៣១​ឆ្នាំ
៣.​លោក ខន វិត មៀង​ខេ​ម​មី អាយុ​មិន​ស្គាល់​អត្តសញ្ញាណ​ ៤.ឈ្មោះ Surakarn Ruangrit អាយុ ៣៥ ឆ្នាំ
៥.ឈ្មោះ Natthida Buangthima អាយុ ២៨ ឆ្នាំ
៦.ឈ្មោះ Jetsaporn Pinanong អាយុ ២០ ឆ្នាំ
៧.​ឈ្មោះ វី​រ៉ា​យ៉ា តាំង​សាំង​ហ្គា អាយុ​៣០​ឆ្នាំ
៨.​នាង​ព្រំ ផន បូក​សា​វ៉ា​ត អាយុ​មិន​ស្គាល់
៩.​នាង​វ៉ា​ធី​នី ហ៊ុយ​ធី​ម៉ា​ល់ អាយុ​១៩​ឆ្នាំ
១០.​នាង សា​វី​តា ចន្ថា អាយុ​ប្រហែល​៣០​ឆ្នាំ
១១.​ឈ្មោះ ឆាត​ឆៃ ឈឿ​ន​កា អាយុ​៣០​ឆ្នាំ ជាអ្នកចម្រៀងប្រចាំហាង ចំណែក​ឈ្មោះ​ដែល​គេ​នៅ​មិន​ទាន់​ដឹង​មាន​ប្រុសចំនួន ​២​នាក់៕

អត្ថបទ៖ Bee
ប្រភព៖ khaowanni