យោងតាមប្រព័ន្ធផ្សព្វផ្សាយរដ្ឋចិនបានរាយការណ៍ថា អគ្គីភ័យដ៏ធំ បានឆាបឆេះអគារការិយាល័យខ្ពស់មួយ នៅកណ្តាលទីក្រុង Changsha នៃខេត្ត Hunan ភាគខាងត្បូងប្រទេសចិន កាលពីរសៀលថ្ងៃសុក្រ ទី១៦ ខែកញ្ញា នេះផ្ទាល់។ ទូរទស្សន៍រដ្ឋ CCTV បាននិយាយថា អគាររាប់សិបជាន់របស់ទូរគមនាគមន៍ចិន ដែលមានកម្ពស់ជាង ២០០ ម៉ែត្រ បានឆេះយ៉ាងសន្ធោសន្ធៅ ដែលបានបញ្ចេញផ្សែងយ៉ាងក្រាស់ទៅលើមេឃ។ អគ្គិភ័យ​បាន​រលត់​ទៅ​ហើយ ប៉ុន្តែ​មិន​ទាន់​ដឹង​ចំនួន​អ្នក​រង​របួស​នៅឡើយ​ទេ​។

រូបថតមួយសន្លឹកដែលចេញផ្សាយដោយ CCTV បានបង្ហាញអណ្តាតភ្លើងពណ៌ក្រហមឆ្អិនឆ្អៅ ដែលកំពុងឆេះពេញអគារក្នុងតំបន់សាងសង់ឡើងរបស់ទីក្រុង ខណៈដែលផ្សែងខ្មៅបានហុយឡើងពេញលើមេឃ។ វីដេអូ​មួយ​ដែល​បង្ហោះ​លើ​បណ្តាញ​សង្គម​ដោយ​សារព័ត៌មាន​ក្នុង​ស្រុក​មួយ​ ក៏​បាន​បង្ហាញ​ថា​ នៅ​ខាង​ក្រៅ​អគារក៏​មានការឆាបឆេះយ៉ាងខ្លាំងផងដែរ។ គួរឱ្យដឹងដែរថា ក្រុង Changsha រាជធានី​នៃ​ខេត្ត Hunan ដែលមាន​ប្រជាជន​ប្រហែល ១០ លាន​នាក់​៕

This afternoon, the building of China Telecom building in Changsha长沙caught fire, no casualties reported yet, stay safe everyone! 🙏 pic.twitter.com/QNnezk2Mxk

— China in Pictures (@tongbingxue) September 16, 2022

អត្ថបទ៖ លីដា
ប្រភព៖ Channel News Asia